# Basha uron besimtarët katolikë për Pashkë / Kremtimi i Pashkëve shënon triumfin mbi të keqën > Kryedemokrati Lulzim Basha ka uruar të gjithë besimtarët në Ditën e Pashkëve. Nëpërmjet një statusi në rrjetin social “Facebook”, Basha shprehet se kremtimi i Pashkëve… **URL:** https://publialb.al/basha-uron-besimtaret-katolike-per-pashke-kremtimi-i-pashkeve-shenon-triumfin-mbi-te-keqen/ **Published:** 2021-04-04 **Modified:** 2021-04-04 --- Kryedemokrati Lulzim Basha ka uruar të gjithë besimtarët në Ditën e Pashkëve. Nëpërmjet një statusi në rrjetin social “Facebook”, Basha shprehet se kremtimi i Pashkëve shënon triumfin mbi të keqën. “Sot, kur si asnjëherë më parë jemi në udhëkryq, të gjithë së bashku le të gjejmë forcën për të kapërcyer çdo vështirësi me zemrat e mbushura me besim se aspiratat tona do të bëhen realitet”, shkruan Basha. **Urimi i plotë** Nga zemra ju uroj Gëzuar Pashkët të gjithë besimtarëve katolikë. Kremtimi i Pashkëve shënon triumfin mbi të keqen dhe forcën e jashtëzakonshme të ringjalljes dhe dashurisë. Sot, kur si asnjëherë më parë jemi në udhëkryq, të gjithë së bashku le të gjejmë forcën për të kapërcyer çdo vështirësi me zemrat e mbushura me besim se aspiratat tona do të bëhen realitet. Prandaj ju motra e vëllezër që po kaloni vështirësi shëndetësore, nëna dhe baballarë që sot jeni në pamundësi ekonomike, të rinj e të reja që mendoni emigrimin, mbushini zemrat tuaja me shpresë se ditë më të mira po vijnë. Zoti e bekoftë Shqipërinë. Për shumë vjet gëzuar! ![“Ditë më të mira po vijnë”/ Basha uron](https://cdnimpuls.com/gazeta-shqip.com/media3/-640-0-60696215d1128.jpg) --- **Categories:** Aktualitet **Tags:** basha, pashket, urimi