# Hapi lokalin dhe vuri muzikë, ja si e pëson pronari në Durrës

> Pronari i një lokali në Durrës është gjobitur pasi ka shkelur vendimin e qeverisë për të ndaluar muzikën në lokalet e natës, masë kjo e&hellip;

**URL:** https://publialb.al/hapi-lokalin-dhe-vuri-muzike-ja-si-e-peson-pronari-ne-durres/
**Published:** 2020-07-22
**Modified:** 2020-07-22

---

![](https://adrianet.al/wp-content/uploads/2020/07/460b245ea719e117efef36cdfaa56d2c_L-300x264.jpg)

Pronari i një lokali në Durrës është gjobitur pasi ka shkelur vendimin e qeverisë për të ndaluar muzikën në lokalet e natës, masë kjo e marrë për të parandaluar përhapjen e Covid.

Mësohet se pronari K.P, i cili ushtronte aktivitetin në lokalin e tij në Durrës duke e shoqëruar me muzikë është gjobitur me 1.000.000 lekë.

Informacion nga policia: Vijojnë kontrollet nga strukturat e Drejtorisë Vendore të Policisë Durrës, në subjektet që ushtrojnë aktivitetin në kundërshtim me Aktin Normativ.

Ushtronte aktivitet të shoqëruar me muzikë, në kundërshtim me Aktin Normativ dhe urdhrin e Ministrisë së Shëndetësisë, Policia i vendos masë administrative.

Në vijim të kontrolleve për parandalimin e përhapjes së COVID-19, në zbatim të Aktit Normativ Nr. 3 datë 15.03.2020 dhe Aktit Normativ Nr. 30 datë 20.07.2020, Neni 1 pika 7/1 për “Mosrespektim të detyrimit të mbylljes së klubeve të natës, diskove, lounge bareve dhe çdo lloj shërbimi të kësaj natyre në mjedise të mbyllura ose të hapura nga subjektet”, shërbimet e Stacionit të Policisë Plazh kanë konstatuar mbrëmjen e djeshme shtetasin K. P., që ushtronte aktivitet të shoqëruar me muzikë në subjektin e tij.

Në përfundim të veprimeve të para shërbimet e Stacionit të Policisë Plazh i kanë vendosur masë administrative 1.000.000 lekë.

 

Policia e Durrësit apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.

 

---

**Categories:** Kronikë, Lajme
**Tags:** Hapi lokalin dhe vuri muzikë, ja si e pëson pronari në Durrës