Policia e Shtetit ka deklaruar se vijon në të gjithë vendin kontrolli për parandalimin e kultivimit të lëndëve narkotike. Në aksionin e fundit, zhvilluar në Fier, policia përdori dhe dronë, ndërkohë që në aksion janë angazhuar 100 forca policie, aksion nga ku u bë i mundur, prangosja e një 30 vjeçari.
Njoftimi i policisë:
Fier – Vijon kontrolli masiv i territorit për parandalimin e kultivimit të bimëve narkotike.Policia e Shtetit po përdor dronët për monitorimin e zonave të thella e pyjore.Gjatë kontrollit të territorit janë angazhuar mbi 100 punonjës policie dhe disa dronë.Agjentët e Antidrogës dhe shërbime të tjera policore kontrolluan zonën e Pishporos për disa orë, nga toka dhe me dronë inteligjentë dhe nuk u gjet asnjë bimë e kultivuar.Ndërsa gjatë kontrollit të ushtruar në zonën e Cakranit u konstatua një rast tentative kultivimi. Policia ka vënë në pranga shtetasin F. M., 27 vjeç, pasi në oborrin e banesës së tij janë evidentuar 30 fidanë në kubikë, në tentativë për t’i kultivuar në tokë.Kontrolli i territorit do të vijojë pa ndërprerë duke kontrolluar çdo cep të territorit dhe në zonat më të largëta, falë përdorimit të flotës së dronëve dhe helikopterëve.
