Dashi
Sot do jeni në humor të shkëlqyer dhe në përgjithësi gjërat në çdo fushë do ju ecin si duhet. Nëse jeni në një lidhje, Mërkuri dhe Marsi, do ju nxitin të jeni më dialogues dhe me pak agresivë. Marrëdhënia do ngrohet goxha dhe emocionet do shumëfishohen. Ju beqarët do i keni të gjitha mundësitë për të bërë për vetë atë që do pëlqeni dhe do ndiheni shumë më të qetë. Në punë do iu jepet një mundësi e shkëlqyer për ta treguar veten se kush jeni. Askush nuk do ju sfidojë dot dhe do e ndieni veten shumë më të sigurt. Edhe për financat gjërat kanë për të ecur sa më mirë.
Demi
Sot nuk do i duroni dot kontradiktat me të tjerët dhe mund t’iu mbathni nga ambienti në të cilin ndodheni. Nëse keni një lidhje do kaloni shumë vështirësi. Gënjeshtrat do jenë të njëpasnjëshme nga ana e partnerit dhe do preferoni më shumë të qëndroni disa kohë vetëm e të reflektoni se çfarë do bëni. Nëse jeni beqarë tregohuni më të kujdesshëm me personat që do takoni sepse disa do mundohen t’iu mashtrojnë me fjalë të bukura. Në punë do keni disa pengesa të vogla, por falë mbështetjes së disa të afërmve nuk do mbeteni në baltë. Me shpenzimet do i keni punët keq dhe problemet financiare do shtohen.
Binjakët
Gjatë kësaj dite do hidhni hapa përpara si në jetën profesionalë ashtu edhe në atë sentimentale. Nëse keni një lidhje do jeni shumë të dashuri si ju ashtu edhe ai që keni në krah. Debatet thuajse do mungojnë plotësisht dhe nuk do mungojnë çastet romantike me disa detaje të veçanta. Nëse ende jeni vetëm do jeni më bindës dhe më interesantë për të tjerët kështu që do merrni propozime plot. Në punë duhet të tentoni çdo gjë pa pasur frikë sepse yjet do i keni në krah. Hidheni sot edhe një kandidaturë që keni menduar. Për financat do jeni të frymëzuar dhe do i menaxhoni në perfeksion. Disa madje do ju adhurojnë dhe do ju kërkojnë këshilla.
Gaforrja
Dielli do ju shtojë imagjinatën gjatë kësaj dite dhe do ju ndihmojë të zgjidhni disa vështirësi që keni pasur. Do jeni në humor edhe më mirë. Nëse jeni në një lidhje do e kuptoni se nuk është gjithmonë e rëndësishme të jetosh me pasion për të qenë i lumtur. Do merreni vesh me njëri-tjetrin dhe do ndiheni mjaft mirë së bashku. Ju beqarët duhet të tregoheni shumë të kujdesshëm dhe nuk duhet të pranoni çdo ftesë. Disa mund të jene intrigante dhe me dy fytyra. Në punë ka mundësi të ndryshoni disiplinë dhe do e hidhni çdo hap të mirë llogaritur. Shpenzimet kryejini pasi të keni bërë mire llogaritë. Në këtë mënyrë do shmangni çdo të papritur të pakëndshme.
Luani
Ditë e mbushur me gjallëri, alegri dhe ngjyra do jetë kjo e sotmja. Do keni dëshirë të lëvizni, të njihni vende të reja dhe të eksperimentoni. Ju të dashuruarve sado që t’iu joshin dhe t’iu bëjnë propozime interesante, nuk do tundoheni aspak dhe as që do ju shkojë ndër mend ta tradhtoni partnerin. Ju beqarëve do ju ndodhë një takim i papritur që mbase nuk mund të çojë në lidhje afatgjatë, por emocionet do jenë të fuqishme. Në punë do mendoni të jepni dorëheqjen dhe të filloni diçka tuajën. Në planin financiar do jeni të vendosur ta përmirësoni situatën dhe nuk do i vini vetes asnjë limit.
Virgjëresha
Sot yjet do ju mbushin me mendime pozitive dhe ide fantastike për ta bërë jetën më të bukur. Për ata që janë në një lidhje do jetë një ditë jashtëzakonisht e favorshme. Do kaloni plot çaste të ngrohta me atë qe keni ne krah, do bashkëpunoni për çdo gjë dhe do gjeni mirëkuptim për gjithçka. Ju beqarët do kenë një takim të papritur, por vendimtar. Në punë ka mundësi t’iu kërkoni shefave një specializim më shumë në mënyrë qe të jeni edhe më të aftë. Mbështetja e tyre do jetë e pakushtëzuar. Buxheti do jetë i shkëlqyer kështu që do ndiheni të qetë kur të shpenzoni.
Peshorja
Për shkak të ndikimit të keq të hënës sot ka rrezik të influencoheni shumë nga të tjerët. Mësoni ndonjëherë të thoni edhe jo. Nëse jeni në një lidhje ka rrezik që sot të fillojnë debatet e forta për disa çështje shumë delikate. Tregohuni ë diplomatë dhe matini fjalët nëse nuk doni probleme serioze. Ju beqarët më mirë t’i merrni gjërat shtruar dhe të mos kërkoni me ngulm një person për ta pasur pranë. Në punë do jeni shumë të zotët dhe do i zgjidhni edhe disa çështje të vështira të ditëve më parë. Edhe miqtë do i ndihmoni pa u menduar dy herë. Buxheti ka për të qenë aq i mirë sa do mund të shijon kënaqësi të reja.
Akrepi
Sot do doni të eksperimentoni dhe të provoni gjëra të reja. Shpesh do jeni si një vullkan gati për të shpërthyer. Nëse jeni në një lidhje, edhe pse mund të keni pak kohë, sot do kaloni momente shumë të bukura. Do ndani me partnerin edhe disa sekrete që do ju bashkojnë akoma më shumë. Ju beqarët nuk duhet të keni zili të tjerët, por duhet të bëni përpjekje për ta afruar pas vetes personin që pëlqeni. Çdo metode lejohet, mjafton të arrihet qëllimi. Në punë do i keni idetë shume precize dhe do ecni drejt qëllimit përfundimtar. Për paratë nuk keni për çfarë të qaheni. Vazhdoni të bëni llogari para se të shpenzoni dhe situata do mbetet e mire.
Shigjetari
Sot keni për të marrë një lajm shumë të mirë që do ua mbushë zemrën me gëzim. Nëse keni një lidhje do kaloni momente të paharrueshme me atë që keni në krah dhe do bindeni plotësisht se ai është i duhuri. Do joshni dhe do ju joshin gjithë kohës. Nëse jeni beqarë nuk do keni aspak dyshim tek aftësia juaj joshëse dhe do guxoni të bëni deklarata. Vërtet do merrni përgjigjet e menduara. Në punë do iu jepen mundësi edhe më të mira për të treguar veten dhe për të arritur sa më lart. Motivimi nuk do ju mungojë asnjëherë. Në planin financiar tregohuni më të përgjegjshëm dhe mos shpenzoni me sa më shumë kujdes.
Bricjapi
Hëna do e ushqejë edhe më shumë shpirtin e aventurës dhe nuk do e privoni veten nga asgjë. Gjithë kohës do ndiheni në formë dhe plot gëzim në shpirt. Nëse keni një lidhje përgatituni për të përjetuar emocione shumë të forta. Gjërat do jenë ndryshe nga zakonisht dhe jeta do ju duket shumë më e bukur. Ju beqarët do jeni të përkëdhelurit e yjeve dhe do keni dashuri me shikim të parë në një mënyrë të jashtëzakonshme. Në punë do fitoni më shumë pavarësi dhe autonomi. Nuk do ndiheni aspak as të bllokuar dhe as nën presion. Në planin financiar nuk do keni vështirësi, por po u treguat të kujdesshëm do keni më shumë përfitime.
Ujori
Sektori i dashurisë do jetë më i privilegjuari sot dhe duke u ndier të përmbushur shpirtërisht do e kaloni ditën më mirë. Marrëdhënia me partnerin ka për të qenë pasiononte dhe shumë e veçantë. Nuk do mungojnë surprizat delikate nga të dyja palët. Ju beqarët do takoni persona magjepsës në rrethin profesional. Mund të jetë një koleg, por edhe një klient që do vijë rastësisht. Në punë do jeni më këmbëngulës dhe më luftarakë. Për ju nuk do ketë asgjë të pamundur dhe sa më shumë sfida t’iu dalin aq më shumë do frymëzoheni për t’i kaluar. Për të përmirësuar financat mund të provoni edhe lojërat e fatit sepse ka mundësi të fitoni.
Peshqit
Plutoni nuk do ju ndihmojë të keni një ditë shumë të mirë. Në tërësi do jeni goxha nervozë. Nëse keni një lidhje nuk do arrini dot të mbani një marrëdhënie të kënaqshme me atë që keni në krah dhe debatet do vazhdojnë. Nëse nga ana tjetër jeni beqarë mund të joshni disa persona, por të afërmit nuk do ua pëlqejnë dhe do bëjnë çmos t’ua ndryshojnë mendjen sa më parë. Në punë do kërkoni shumë më shumë nga vetja dhe nuk do ndaleni të bëni edhe sakrifica. Gjithsesi sot nuk pritet ndonjë sukses vezullues. Me shpenzimet do jeni impulsivë dhe gjendja do vazhdojë të përkeqësohet. /dritare.net
