Binjakët
Ky do të jetë një muaj i lavdishëm, i mbushur me lajme të mira. Financat priten të kenë një rritje të fuqishme dhe një fluks fondesh do të vijë atëherë kur nuk e prisni. Marsi po kalon me shpejtësi në sektorin financiar (shtëpia e tetë), dhe ky planet në këtë zonë të grafikut ose ndikon te shpenzimet ose ju shton dëshirën për të shpenzuar. Kjo shpesh do të thotë më shumë shpenzim sesa kursime, por jo këtë muaj. Afërdita do të udhëtojë me Marsin në të njëjtin sektor financiar në shkurt dhe mars dhe së bashku do t’ju kthejnë në një magnet parash.
Muajin e kaluar, udhëheqësi juaj Mërkuri ishte prapavijë dhe kjo i ngadalësoi gjërat. Takimet dhe planet u anuluan dhe ju e patët pothuajse të pamundur marrjen e një përgjigjeje vendimtare nga të tjerët, kështu që pavarësisht se sa afër ishit për negociatat përfundimtare, pati shumë vonesa. Për më tepër, mund të keni pasur vështirësi me një kompjuter ose prishje të gjërave që kanë pasur nevojë për riparim.
Gjasat janë që mund të negocioni një marrëveshje fitimprurëse këtë muaj dhe me Uranin në kënd të përsosur me Marsin më 8 shkurt, mundësia për të fituar para mund të shfaqet papritmas. Jupiteri është në pikën kulmore të shtëpisë së dhjetë prestigjioze të avancimit profesional, kështu që këto ditë nuk mund të bëni asnjë gabim.
Kini parasysh 17 shkurtin për një përparim të papritur në karrierë – do t’ju jepen lavdërime dhe një ofertë fitimprurëse.
Një tjetër ditë e mrekullueshme për financat dhe rritjen e karrierës do të jetë 24 shkurti, kur do të stimulohet kreativiteti dhe imagjinata. Ky është muaji juaj. Nëse jeni duke negociuar, jini të guximshëm dhe kërkoni çfarë mendoni se është e drejtë.
Ndërkohë, Hëna e re në Ujor më 1 shkurt mund të sjellë udhëtime emocionuese, kështu që në ditët ose javët në vijim, mund të shkoni me gëzim në aeroport. Duket se keni një qëllim në mendje që do të filloni të punoni sapo të arrini në destinacion, një angazhim të cilin po e merrni seriozisht. Nëse nuk mund të udhëtoni për shkak të disa detyrimeve që keni vendosur më parë, mund të jeni duke ndërvepruar shpesh me një person të rëndësishëm në një vend të huaj.
Nëse punoni në kompani që kanë lidhje me botime ose transmetime, ky do të ishte një muaj i përsosur. Të gjitha fushat, nga artet e komunikimit, duke përfshirë të folurit, marketingun, marrëdhëniet me publikun, shitjet, rrjetet sociale, shkenca kompjuterike dhe kodimi do të shkëlqejë. Disa Binjakë mund të jenë duke marrë në konsideratë idenë e shkollës pasuniversitare, dhe nëse jeni, kjo Hënë e re do t’ju motivojë të bëni intervista dhe të paraqisni aplikimin në secilin prej universiteteve që zgjidhni.
Gjërat do të përfundojnë në Hënën e plotë më 16 shkurt, pavarësisht nëse jeni duke bërë një projekt komunikimi, si p.sh. lançimi i një aplikacioni të ri, botimi i librit, nënshkrimi i një kontrate ose kthimi nga një udhëtim. Në këtë pikë, ka të ngjarë të udhëtoni në një vend afër. Mund të jeni në humor për të takuar një të afërm, si motrën, vëllain, kushëririn, hallën, dajën ose gjyshin.
Dita e Shën Valentinit do të sjellë ndjenja të ngrohta dhe të përzemërta. Afërdita dhe Marsi, dy të dashuruarit kozmikë, zakonisht janë shumë larg njëri-tjetrit dhe dëshirojnë të jenë bashkë. Për fat të mirë, këta dy planetë tani po udhëtojnë të përqafuar dhe po ju dërgojnë shkëndija dashurie.
Çuditërisht, Afërdita dhe Marsi do të takohen në Bricjap në ditën e Shën Valentinit, 14 shkurt, duke nxitur pasionin dhe deklaratat e ngrohta të dashurisë, si dhe duke rritur shanset që të merrni një dhuratë të bukur dhe të përzemërt. Bricjapi sundon trashëgiminë dhe pasurinë, kështu që mund të jetë diçka me rëndësi familjare. Kjo do të jetë një mbrëmje e veçantë për t’u mbajtur mend.
Gaforrja
Ky do të jetë një nga muajt më romantikë të vitit. Afërdita dhe Marsi, detyra e të cilëve është të ndezin shkëndijën e dashurisë mes dy njerëzve, do të jenë në shtëpinë e martesës gjatë gjithë muajit. Këtë muaj, për shkak të periudhës së fundit të prapavijës të Afërditës (tani po shkon në pozicion normal), Marsi dhe Afërdita do të bashkohen në shtëpinë e shtatë të martesës dhe partneriteteve të përkushtuara.
Këta planetë do t’u bashkohen Mërkuri dhe Plutoni, gjithashtu në shtëpinë e shtatë të angazhimit. Nëse jeni të martuar, do të rindizni dashurinë me partnerin. Nëse jeni në një lidhje serioze, ky do të jetë një muaj që premton shumë për planet dhe për thellimin e dashurisë. Nëse jeni gati ta premtoni zemrën tuaj përgjithmonë, mund të merrni një propozim (ose ta jepni) në ditën që feston dashurinë e vërtetë.
Dita e Shën Valentinit mund të vijë herët për ju kur Urani, planeti i befasisë, do të takojë Marsin në shtëpinë e angazhimit, 8 shkurt. Ju mund të fejoheni atëherë, ose më vonë, në ditën e Shën Valentinit.
Nëse jeni beqar, lajmi i mirë është se gjatë gjithë muajit dhe në fillim të marsit, do të takoni shumë njerëz – ndoshta edhe njeriun që e imagjinoni ta sillni në shtëpi për të takuar prindërit. Gjithashtu mund ta përdorni gjithashtu këtë takim të bukur të Afërditës dhe Marsit për të krijuar një marrëdhënie biznesi të fortë dhe fitimprurëse.
Ky muaj do ta vendosë theksin te paratë. Hëna e re e ëmbël e 1 shkurtit do të jetë një bekim, duke sjellë një ose më shumë mundësi për të bërë një shitje me një tarifë ose komision bujar. Mos u mërzitni nëse paratë që merrni për një rritje, komision, pagesë sigurimi, zgjidhje gjyqësore ose burim tjetër të jashtëm janë më të ulëta se sa prisni. Ju keni një perspektivë fantastike për të ardhurat në muajt në vijim, ndaj qëndroni optimistë.
Tani për tani, do të përfundoni disa diskutime dhe negociata të rëndësishme financiare në Hënën e plotë në Luan, 16 shkurt. Jupiteri, dhënësi i dhuratave dhe fatit, është gati të sinjalizojë Uranin, një ditë pas Hënës së plotë, më 17 shkurt, kështu që ka të ngjarë që paratë të vijnë te ju.
Nëse keni nevojë të nënshkruani një kontratë, bëjeni këtë muaj pas Hënës së plotë më 16 shkurt. Mërkuri dhe Afërdita tani po lëvizin me shpejtësi. Ju jeni veçanërisht me fat me njerëzit e huaj dhe ndoshta një njeri i rëndësishëm do t’ju shpërblejë. Mund të udhëtoni së shpejti
