Dashi
Venusi do ju bëjë shumë konfuzë gjatë kësaj dite dhe shpesh do ngurroni të hidhni hapa. Mjedisi yjor për ju të dashuruarit do nxitë disa mosmarrëveshje, por ato nuk do vazhdojnë shumë dhe nuk do lënë pasoja. Ju beqarët do jeni tejet tërheqës dhe do merrni propozime nga më të ndryshmet. Në fund do e keni ju në dorë zgjedhjen që do bëni. Në punë nuk do kënaqeni me rezultatet që do arrini dhe mund të bëni edhe sakrifica për të ndryshuar gjithçka. Kujdes sepse do ndërmerrni rreziqe serioze. Në planin financiar nuk duhet t’i lini gjërat pas dore sepse situata ka për t’iu dalë jashtë kontrollit atëherë kur nuk do e prisni.
Demi
Do i përkushtoheni shumë punës dhe njerëzve të dashur gjatë kësaj dite. Kjo gjë do bëjë që gjithçka t’iu ecë edhe më mirë. Ju të dashuruarit do jeni tolerantë dhe të kuptueshëm me partnerin tuaj. Marrëdhënia me të do ecë për mrekulli. Në mbrëmje mundet edhe të habiteni nga një surprizë gjigande që do iu bëhet. Ju beqarët do ndiheni mirë edhe ashtu si jeni prandaj nuk do e kërkoni me ngulm një lidhje. Në punë nuk do jeni më me nerva, përkundrazi do e bëni çdo gjë me qetësi të plotë. Do keni edhe ide brilante që do i lënë të gjithë me gojë hapur. Mërkuri do ndikojë pozitivisht tek financat kështu që gjendja do fillojë të normalizohet.
Binjakët
Gjatë kësaj dite nuk do dini t’i bëni gjërat si zakonisht dhe do mundoheni të krijoni një klimë më të këndshme. Ju të dashuruarit do merreni vesh më së miri me partnerin tuaj dhe do bëni të pamundurën që ta ndryshoni rutinën që iu kishte pushtuar. Ju beqarët do keni një ditë mjaft të turbullt dhe nuk do arrini dot ta gjeni personin e ëndrrave. Do ju duhet ende të prisni edhe pak. Në punë keni për të gjetur zgjidhje për problemet dhe shefat do iu japin një detyrë akoma më të rëndësishme. Duhet të ndiheni të privilegjuar për këtë. Financat do jenë goxha të mira, por nuk duhet të bëni çmenduri pasi gjendja mund të përkeqësohet shumë shpejt.
Gaforrja
Mundohuni të ruani vetëkontrollin gjatë kësaj dite nëse nuk doni të keni probleme serioze. Për ju të dashuruarit e sotmja do jetë mjaft intensive. Do përjetoni emocione të veçanta si kurrë ndonjëherë më parë dhe do doni që dita mos marrë fund. Ju beqarët nuk do gjeni fjalët e duhura për ta joshur atë që pëlqeni dhe do humbisni mundësi të shkëlqyera. Në punë mund të keni disa përballje me kolegët dhe do çoroditeni tërësisht. Në planin financiar gjendja do jetë gjithë kohës e stabilizuar kështu që mund të bëni edhe ndonjë shpenzim më tepër.
Luani
Në shumë momente do jeni konfuzë sot dhe nuk do dini si të veproni. Për fat miqtë do ju gjenden pranë. Ju të dashuruarit do keni diskutime të gjata me partnerin tuaj dite lidhur me disa probleme të së shkuarës, por edhe për të ardhmen. Mund të merrni edhe disa vendime. Ju beqarët duhet të jeni më të duruar në mënyrë që të gjeni personin që do ju përshtatet më së miri. Sot mundësitë nuk do jenë ato që keni pritur. Në punë ka mundësi të mos pranoni bashkëpunimin dhe gjithçka do ju duket më e vështirë. Po nuk ndryshuat keni për te pasur vështirësi më të mëdha më vonë. Nëse doni financa më të mira duhet patjetër të ulni në maksimum shpenzimet.
Virgjëresha
Gjatë kësaj dite çdo gjë do varet nga mënyra juaj e sjelljes. Nëse bëni gabime situata mundet edhe t’iu dalë jashtë kontrollit. Nëse jeni në një lidhje as që duhet t’iu shkojë ndërmend të flirtoni me dikë tjetër sepse situata mund t’iu dalë jashtë kontrollit atëherë kur nuk e prisni. Ju beqarët nuk duhet të prisni ndonjë ngjarje të jashtëzakonshme, por gjithsesi disa takime interesante do mund t’i realizoni. Në punë duhet t’i merrni gjërat me pozitivizëm dhe të mos mendoni më të keqen. Me durim dhe këmbëngulje mund të arrini gjithçka. Financat do i keni tej mase kujdes dhe pak nga pak gjendja do fillojë të normalizohet.
Peshorja
Gjatë kësaj dite do jeni të përqendruar më shumë se kurrë në gjërat që do bëni. Ju të dashuruarit nuk do keni për çfarë të ankoheni sepse yjet do përkujdesen në çdo moment dhe marrëdhënia në çift do jetë e shkëlqyer. Ju beqarët gjithashtu do keni një ditë të animuar dhe të mbushur me takime. Gabim do jetë nëse nuk do pranoni të shoqëroheni me asnjë. Në punë do jeni tejet bashkëpunues me kolegët dhe me shefat kështu që çdo gjë do e keni më të lehtë. Po vazhduat kështu shumë shpejt do merrni një post të ri. Në planin financiar do i bëni me kujdes llogaritë dhe gjendja ka për të qenë e shkëlqyer.
Akrepi
Merrini gjërat si t’iu vijnë gjatë kësaj dite dhe lëreni Diellin dhe Hënën t’iu udhëheqë. Për ju të dashuruarit e sotmja do jetë normale. Me partnerin nuk do keni as mosmarrëveshjen më të vogël. Bëni ato që do ndieni. Ju beqarët duhet të bëni atë që do ndieni pas takimeve që do keni. Po menduat për çdo detaj dhe sesi do shkojë e ardhmja kanë për të mbetur vetëm gjithmonë. Në punë mos lini pas dore asgjë pa një arsye të fortë sepse shefat do ju kritikojnë dhe do mbeteni mbrapa. Në planin financiar do ketë disa ndryshime mjaft pozitive që do ju bëjnë të ndiheni më të qetë.
Shigjetari
Nëse do ju duhet të merrni vendime të rëndësishme gjatë kësaj dite bëjeni këtë në heshtje dhe pasi të jeni menduar mirë. Ju të dashuruarit nuk do keni asgjë për çfarë të qaheni. Do keni mirëkuptim në lidhjen që keni krijuar dhe do jeni të dy palët me humor të mirë. Për çdo gjë do bini dakord me njëri-tjetrin. Ju beqarët do keni një ditë disi të paqëndrueshme dhe do e keni më tepër mendjen tek puna. Në punë kolegët do ju mbështesin fort dhe mund të filloni projekte afatgjata. E ardhmja për ju do jetë edhe më e kënaqshme. Buxheti do jetë goxha i mire, por nuk duhet të shpenzoni pafund për veshje dhe të mbeteni me xhepat bosh.
Bricjapi
Do jeni të shpërqendruar gjatë kësaj dite dhe nuk do dini çfarë hapash të hidhni më parë. Nëse keni një lidhje herë pas here do dalin probleme mes jush dhe atij që keni në krah. Nuk do merreni vesh mirë me të dhe nga ana tjetër pa dhënë shpjegime e arsyetime do doni të dalë e juaja. Ju beqarët do keni ndryshime drastike në jetën tuaj pas një takimi mbresëlënës që do realizoni. Në punë, një koleg ose një klient do ju mërzitë shumë dhe mund të acaroheni. Vetëpërmbahuni sepse mund të bëni gabime të mëdha. Financat nuk do jenë të shkëlqyera, por përgjithësisht nuk do keni probleme.
Ujori
Ka mundësi të jeni shumë të ndjeshëm gjatë kësaj dite dhe mund të hidhni hapa të gabuara. Ju të dashuruarit duhet të bëni të pamundurën për ta mbrojtur jetën tuaj sepse shumë persona do ndërhyjnë tek ajo dhe do mundohen t’ua prishin harmoninë. Ju që jeni ende beqarë do merrni propozime, por ka rrezik t’i refuzoni të gjitha. Në punë do vendosni kontakte me disa persona që mund t’iu çojnë më përpara në profesionin tuaj. Kjo do jetë një e re shumë e mirë për ju. Në planin financiar do keni disa probleme të vogla, por asnjë gjë për të vënë alarmin dhe për të marre borxhe. Këshillat e të afërmve duhet t’i dëgjoni me kujdes.
Peshqit
Gjatë kësaj dite do jeni shumë të logjikshëm dhe me këmbë në tokë. Çdo hap do e hidhni me kujdes të madh. Merkuri do jetë planeti më i begatë për jetën tuaj në çift dhe ai do krijojë një klimë harmonike dhe të ngrohtë. Do mund të flisni edhe për disa tema delikate, por me rëndësi për të ardhmen. Ju beqarët nuk do mund të qëndroni indiferentë ndaj ftesave që do iu bëhen dhe me shumë gjasë do keni edhe ndryshime. Në punë do ndiqni strategji shumë të mira për të arritur atje ku keni dëshiruar. Çdo gjë do duket më e lehtë për ju. Buxhetin do e keni gjithë kohës në vëmendje dhe nuk do keni probleme.
