Dashi
Gjatë gjithë ditës së sotme do jeni më të dashur me të tjerët dhe më të hapur për gjithçka. Plutoni do jetë planeti më i favorshëm për ju të dashuruarit. Në çdo moment do ndiheni mirë me atë që keni në krah. Mosmarrëveshjet e së shkuarës do i harroni përgjithmonë. Ju beqarët do keni një ditë të veçantë dhe të mbushur me njohje të reja. Do e keni vetë në dorë se çfarë hapash do hidhni. Nëse jeni në kërkim të një pune, sot keni për të marrë ftesën e shumëpritur. Jeta juaj tani e tutje do ndryshojë rrënjësisht për mirë. Gjendja e financave nuk do jetë aspak e keqe.
Demi
Sot do i mendoni gjërat më qetësisht dhe do vendosni rregull në jetën tuaj. Për ju që jeni në një lidhje dita do jetë shumë e qëndrueshme. Do i kuptoni gabimet që keni bërë kundrejt partnerit dhe do mundoheni të gjeni mënyrat e duhura për t’i zgjidhur ato. Nëse jeni beqarë do takoni disa persona, por për asnjërin nuk do iu rrahë zemra fort. Në punë do keni vullnet n\të hekurt dhe nuk do lodheni edhe pse do punoni jashtë orarit. Kjo gjë ndodh kur e bëni diçka me dëshirë dhe kënaqësi të madhe. Buxheti do mbetet i mirë kështu që mund ta kryeni edhe ndonjë shpenzim më tepër nga zakonisht.
Binjakët
Herë pas here do ndodheni në situata të vështira gjatë kësaj dite dhe do ndiheni në ankth për vendimet që duhet të merrni. Për ju të dashuruarit e sotmja konfliktuale. Në çdo moment do keni debate të forta me të dhe asgjë nuk do ecë si do dëshironit. Nëse jeni beqarë më mirë të mos tentoni të joshni e të flirtoni sepse do ketë persona që do përfitojnë vetëm për t’iu shfrytëzuar. Në punë mos prisni favore nga dikush, por përqendrohuni tek detyra dhe bëni më të mirën që të mundeni. Financat ka rrezik të përkeqësohen ndjeshëm për shkak të shpenzimeve të palogjikshme që do kryeni.
Gaforrja
Gjatë kësaj dite duhet të bëni përpjekje vërtet të mëdha për të shmangur tensionon dhe problemet në çdo fushë. Ju të dashuruarit do keni mendime shumë të ndryshme nga partneri lidhur me disa çështje dhe marrëdhënia me të nuk ka për të qenë aspak ashtu si e keni ëndërruar. Po u treguat kokëfortë dhe po nuk pranuat të bashkëpunoni nuk keni për të ecur gjatë së bashku. Edhe ju beqarët do jeni pa fat në dashuri. Nëse në punë doni të kërkoni një post të ri, bëni kujdes me mënyrën sesi do e kërkoni këtë gjë. Çdo fjalë e gabuar sot mund t’iu sjellë probleme nesër. Buxhetin mbajeni nën kontroll sepse në të kundërt do keni probleme serioze.
Luani
Yjet do i keni në favorin tuaj gjatë kësaj dite, por duhet të bëni pak kujdes me mënyrën e të folurit. Nëse keni një lidhje bëni të pamundurën që t’i kushtoni edhe më shumë kohë atij që keni në krah pasi në të kundërt marrëdhënia mes jush do fillojë të ftohet dhe partneri do shohë diku tjetër. Ju beqarët do jeni shumë të paqëndrueshëm në mendime dhe as vete nuk do dini çfarë të bëni. Në punë mirë është të mos ua tregoni kolegëve qëllimin që keni sepse ata do e shfrytëzojnë për t’iu prishur planet. Tregohuni hermetikë dhe do jeni më të fituar. Për financat ka për të qenë një ditë goxha e vështirë dhe stresuese. Bëni kujdes!
Virgjëresha
Frika nuk e shmang rrezikun kështu që sot duhet të keni më shumë besim dhe të jeni fillimisht të ndershëm me veten tuaj. Për ju të dashuruarit ditë me pak e tensionuar ka për të qenë kjo e sotmja. Do jeni më të logjikshëm dhe do i kuptoni edhe gabimet që keni bërë më herët. Ju beqarët do joshni gjatë gjithë kohës, por nuk do ja dilni ende të filloni një lidhje. Në punë do i keni mendimet e qarta dhe do ndiqni strategji strikte. Çdo gjë për ju ka për të ecur edhe më mirë nga sa e kishit menduar. Në planin financiar Plutoni do ju shtyjë të tentoni të fitoni para me mënyra të shpejta. Kujdes sepse po gabuat mund të humbni më shumë sesa të fitoni.
Peshorja
Pak nga pak do filloni të keni besim tek ata që ju rrethojnë gjatë kësaj dite dhe do i hidhni hapat më të sigurta. Nëse keni një lidhje mundohuni të jeni sa më të qetë dhe të mos debatoni për gjëra të kota me atë që keni në krah. Po bëtë të kundërtën marrëdhënia mes jush do tensionohet. Ju beqarët do bëni mirë të mos i besoni plotësisht pamjes së jashtme të disa personave për të hedhur hapa me tej. Në punë nuk do ju mungojë aspak motivimi, vetëm se nuk duhet t’iu besoni plotësisht personave që do i keni rreth e rrotull. Në planin financiar nuk keni për të pasur asnjë lloj problemi, kështu që mund të jeni të qetë.
Akrepi
Mundohuni të mbani nervat gjatë kësaj dite sepse ato mund t’iu sjellin probleme të mëdha. Ju të dashuruarit do jeni shumë posesive dhe mund të bëni gjëra të gabuara me atë që keni në krah. Marrëdhënia në çift nuk ka për të qenë ashtu si e keni menduar. Ju beqarët do keni disa takime, por më shumë sesa aventura kalimtare nuk do keni mundësi të filloni. Në punë klima do jetë e trazuar dhe vështirë se mund të gjeni një mjedis të përshtatshëm frymëzimi. Sfidat që do ju dalin do jene në çdo moment të vështira për t’u kaluar. Sektori i financave do përmirësohet aq shpejt saqë do mbeteni me gojë hapur. Shfrytëzojeni sa më shumë këtë mundësi.
Shigjetari
Dielli do ju bëjë shumë më të guximshëm gjatë kësaj dite dhe mund të arrini gjithçka që dëshironi. Jeta juaj në çift do forcohet edhe më shumë. Do arrini ti sqaroni disa keqkuptime të vogla që keni pasur dhe do çliroheni njëherë e mirë. Ju beqarët do jeni mjaft socialë dhe gati për të pasur njohje të reja. Disa persona mund t’i shihni edhe me një sy tjetër. Në punë do i jepni frymë një projekti të ri. Ai do ju mbajë më të angazhuar, por përfitimet që do keni do jenë të jashtëzakonshme. Buxhetin duhet ta menaxhoni me sa më shumë përkujdes, maturi dhe seriozitet në mënyrë që të mos ju dalin probleme.
Bricjapi
Gjatë kësaj dite optimizmi do ju pushtojë gjatë gjithë kohës dhe buzëqeshja do mbizotërojë në çdo çast. Ju të dashuruarit do përjetoni emocione shumë të forta. Partneri do ju bëjë një deklaratë fantastike e cila do ua mbushë zemrën me gëzim. Ju beqarët do jeni gati edhe për aventura kalimtare mjafton që të mos mbeteni më të vetmuar. Në punë ka mundësi të merrni një propozim mjaft interesant. Peshojini mirë gjërat para se të hidhni vendime të mëdha. Nuk ka për të pasur më kthim mbrapa. Në planin financiar gjendja do vijë duke u përmirësuar. Sido që të jetë shpenzimet duhet të vazhdoni ende t’i kryeni me maturi.
Ujori
Ka mundësi t’i shihni gjërat me një sy tjetër sot dhe kjo do ju sjellë goxha probleme. Mundohuni të ndryshoni pa iu ndërlikuar gjërat shumë. Ju të dashuruarit duhet të bëni shumë kujdes që të mos e tradhtoni atë që keni në krah. Po bëtë gabime të tilla jo vetëm që do ndaheni, por do krijoni edhe një përshtypje të keqe për veten. Ju beqarët ka rrezik të jeni impulsivë dhe mund të hidhni hapa të pamenduara mirë. Në punë do jeni mjaft kompetentë, por do keni persona rreth e rrotull që do mundohen gjithë kohës t’iu prishin planet. Largoni gjithë ata të dyshimtët nga vetja. Sektori i financave ka për të mbetur i qëndrueshëm. Do dini mirë si t’i organizoni të ardhurat.
Peshqit
Gjatë kësaj dite do bëni mirë të dëgjoni instinktin pasi ai do ju çojë në rrugën e duhur. Do ju duhet të bëni zgjedhje goxha të rëndësishme. Për ju të dashuruarit priten momente entuziaste ka. Sot do i shihni gjërat me një sy tjetër dhe për gabimet e bëra do kërkoni falje. Ju beqarët duhet t’i bëni sytë katër në çdo moment të ditës, pasi personi i ëndrrave mund të shfaqet kur ata më pak do e prisni. Në punë do e adhuroni postin e ri që iu është dhënë. Për të arritur qëllimet përfundimtare do jeni të gatshëm edhe të mbani pak distancë nga kolegët. Buxheti do ketë përmirësime goxha të mëdha falë një trashëgimie ose falë një shpërblimi të majmë. /dritare.net
