Parashikimi Astrologjik Javor per dt 8 deri ne dt 13 Mars 2022
Dashi – 4 yje
Janë nën një moment shumë të fuqishëm erotik dhe do shkëlqejnë në marrëdhëniet sociale, njohje të reja, dashuri me shikim të parë dhe mundësi të mëdha për t’u ekspozuar mirë. Duhet të kenë kujdes në një prapaskenë pune që mund t’iu vijë nga një njeri i afërt i familjes ose shumë i njohur.
Demi – 1 yll
Do tentojë me karrierën por do jetë pak egoist dhe do i duhet të shpenzojë shumë ekonomi e dashuri nga vetja për ta bërë sa më të dukshme. Është shenjë që nuk e jep shumë dashurinë dhe shpenzimin, kështu që në momentin që do përpiqet të rezervohet nuk do i japë të gjitha.
Binjakët – 5 yje
Do të shkëlqejnë në fushën e marrëdhënieve të zhvillimit, komunikimit me jashtë, udhëtimeve, kontakteve të reja, dashurive me shikim të parë, është një shenjë ajri do marrin gjithë mirëqenien e mirë dhe të mundshme. Kujdes në bisedat e punëve dhe në punët që do krijohen sepse mund të mos kenë kohëzgjatje. Do të kenë një takim të rëndësishëm me dikë për çështje pune kësaj jave.
Gaforrja – 3 yje
Është një javë shumë erotike, një nga më erotiket të mundshme që do të rregullojnë të gjitha marrëdhëniet që kanë pasur kontradikta qoftë në çift, qoftë në bashkëpunime të rëndësishme, po kështu do rregullojnë shumë edhe anën ekonomike, është një nga anët që do t’i japin forca dhe do të dalin nga pengesat që kanë pasur.
Luani – 2 yje
10-ditëshi i parë i të lindurve në këtë shenjë do fillojnë të kenë një përparësi të madhe në marrëdhëniet në çift, në bashkëpunime do iu ikë e keqja, xhelozitë dhe do t’i japin shumë rëndësi afrimitetit me partnerët. Për ata të tjerët do duhet të presin për javët që do të vijnë më vonë për të parë një ndryshim dhe zhvillim në jetën e tyre.
Virgjëresha- 1 yll
Do merren shumë me pamjen e jashtme, me punët që do dëshirojnë, të ndiejnë kënaqësi, por do të ketë një vetëbesim dhe një vetëkontroll kaq të mirë saqë nuk do të ketë nevojë për yje sepse do rrezatojë vetë. Me një yll të vetëm do arrijë të bëjë edhe çudira në këtë javë.
Peshore – 5 yje
Është një nga shenjat më erotike në këtë javë, do shkëlqejë erotizmi, dashuria, takimet, kontaktet, ana ekonomike. Do dashurojnë me shikim të parë, do japin fjalën do gëzojnë, do argëtojnë. Kemi një javë të mrekullueshme për Peshoren dhe duhet ta shijojnë sidomos ata të 10-ditëshit të parë.
Akrepi – 2 yje
Do të merren shumë me çështjet e shtëpisë ose do futen brenda në shtëpi këtë periudhë, do japin më shumë energji në sistemin e punëve familjare, ndoshta aty mund të kenë një takim romantik dhe erotik dhe duhet ta shfrytëzojnë në këtë javë. E rëndësishme është që në çështjet erotike do të jenë shumë komunikativ dhe emocional.
Shigjetari – 4 yje
Janë në një moment shumë të mirë komunikativ do të dinë japin energjinë, të shprehin emocionet, ndjenjat, të japin mesazhet dhe do jenë në udhëtime dhe kontakte të vazhdueshme. Mbi të gjitha nuk do t’u prishet shumë qejfi, çfarëdo që të thuhet apo provokohen do jenë në një lëvizje të mirë.
Bricjapi – 2 yje
Do merren shumë me çështjet ekonomike. Kjo është një javë intensive për ta, për të vendosur një dominancë ekonomike, do kenë shumë shpenzime por gjithsesi fokusi kryesor do të jetë në mënyrën se si do të sistemojnë dhe do gjejnë burime të reja ekonomike. Në sulm për të pasur sa më shumë të mira materiale.
Ujori- 5 yje
Marsi dhe Afërdita janë në shenjën e tyre, do të jenë të parezistueshëm, të pakontestueshëm dhe do të jenë një nga shenjat që do t’u ecë shumë, do të përparojnë në çështjet erotike, ekonomike. Rrugët e tyre fillojnë dhe çlirohen nga pengesat dhe hijedritat që kishin penguar ecurinë dhe zhvillimin e tyre.
Peshqit – 3 yje
Nuk janë në një javë kaq dominante sepse Afërdita dhe Marsi futen në një shtëpi pak më të bllokuar për ta. Emocionet dhe ëndërrimet do t’i mbajnë brenda, por do të kenë Mërkurin në shenjën e tyre që do të ndikojë tek ta, tek Virgjëresha, Shigjetarët dhe Binjakët duke i dhënë një komunikim të paparë. Këto do jenë shenjat që me emocionin e tyre do të flasin më shumë gjatë kësaj jave.
