Të biesh në dashuri me një Binjak, duhet të jesh një person i qetë dhe i motivuar, sepse personat e kësaj shenje kanë nevojë të vazhduar për mbështetje dhe inkurajim. Kjo gjë do të thotë ndonjëherë t’i mbështesësh edhe idetë e tyre të çmendura që i besojnë vetëm ata. Do të thote edhe t’i bësh të besojnë se jo vetëm munden ta arrijnë çfarë synojnë, por edhe se janë më të mirët në gjithçka që bëjnë.
Të duash një person të shenjës së Binjakëve do të thotë të kuptosh se ka dy anë të ndryshme të karakterit të tyre. Njëra, në të cilën janë të sigurtë në vete dhe i bëjnë të lumtur gjithë personat që i rrethojnë. Nëkëtë aspekt ata paraqiten optimistë, të lumtur dhe i thonë “Po” kujtdo për gjithçka. Ndërkohë, kanë edhe një anë tjetër të pasigurtë, se pse duhet t’i vërtetojë gjë të tjerëve, apo se pse duhet t’i pëlqejë personave tëtjerë.
Dhe të duash një person të kësaj shenje, do të thotë t’i duash të dyja këto aspekte të personalitetit të tyre. Janë përgjithësisht individë që i mbështesin shumë të tjerët dhe i ndihmojnë të avancojnë në jetë. Nuk kanë zemër të keqe, kanë vetëm pasiguri në vendimet që duan të marrin.
Të duash një Binjak do të thotë edhe të flasësh shumë për veten. Janë dëgjues dhe këshillues të mirë, këtëgjë mund ta vërtetosh në çdo moment. Nga ana tjetër, janë personat më të mirë për t’u imituar. Nëpërpjekjet e tyre për t’u bërë më të mirë, sigurisht të nxisin që edhe ti të jesh një person më i mirë.
Një Binjaku i intereson se çfarë mendon më tepër se si dukesh. Janë shumë të tërhequr pas inteligjencësdhe diskutimeve. Dhe të duash një Binjak, do të thotë t’i japësh rëndësi gjërave që vërtet kanë vlerë; do tëthotë t’i qëndrosh pranë dhe ta duash për atë që përfaqëson. Janë persona të ndershëm, besnikë dhe ëndërrimtarë. Duan shumë ta ndryshojnë botën për mirë, dhe në përpjekjet e tyre për ta arritur, do të bëjnëedhe ty padiskutim më të mirë.
Të duash një Binjak do të thotë të qëndrosh gjatë me të dhe t’ia vësh në dukje cilësitë që ka. Kjo gjë do tëndërtojë një besim dhe një marrëdhënie aq të fortë, që të dy do të donit ta kishit.
