“Ne i kërkuam qeverisë, si kryetarë bashkish, burime financiare për të ndihmuar njerëzit më të prekur nga sitata e COVID-19, siç bëmë në fazën e parë, përmes kuponave të blerjes ose duke i blerë ushqime direkt në pazare, sepse një gjë është e sigurt: të gjithë duhet të kenë mundësinë e vendosjes së një pjatë në tryezë “. Kështu, është shprehur Antonio Decaro, kryetari i Bashkisë së Barit në një lidhje të drejtpërdrejtë nga faqja e tij zyrtare në Facebook, në lidhje me fazën e re të urgjencës Covid.
“Unë u bëj thirrje atyre njerëzve që kanë mundësi financiare dhe kompanive që të trjegojnë solidaritet të madh gjatë periudhës së bllokimit – tha ai -. Ne nuk jemi në bllokim, por tashmë ka shumë njerëz që kanë nevojë për një ndihmë. Ne po e vendosim makinerinë e solidaritetit në këmbë, ne tashmë kemi thirrur vullnetarë dhe po organizohemi me Departamentin e Shërbimeve Sociale “.
Decaro kujtoi gjithashtu protestat e restauratorëve dhe menaxherëve të lokaleve. “Unë i kuptoj ata – tha ai – dhe për fat të mirë Kryeministri dhe Qeveria kanë vënë në dispozicion burimet financiare për ti kompesuar. Është një moment i vështirë, në të cilin ekziston frika për virusin, por ekziston edhe shumë frika për të ardhmen, sepse shumë njerëzve tashmë u është dashur të kapërcejnë tre muajt e parë të mbylljes dhe të gjenden përsëri në të njëjtën situatë në rrezik që të mos rihapen, dhe se shumë njerëz humbasin punën e tyre, por ne do ti ndihmojmë që ta kapërcejnë dhe këtë moment të vështirë “, tha Decaro. //telebari//
