Dashi
Gjatë kësaj dite do jeni dinamikë dhe kurajozë. Nuk do i lini asgjë rastësisë dhe kjo do shmangë të gjitha problemet. Për ju të dashuruarit do ketë ndryshime rrënjësore. Do jeni më të hapur e më tolerante me partnerin dhe të gatshëm të bëni çdo gjë që marrëdhënia mes jush të mbetet e qëndrueshme. Në mbrëmje do ketë edhe surpriza. Ju beqarët do realizoni takime pafund, por pa asnjë të ardhme. Në punë duhet të tregoheni më të disponueshem kur t’iu kërkojnë shefat dhe mos bëni asgjë sipas mendjes suaj. Në planin financiar do kryeni shpenzime të pamenduara, të cilat do e turbullojnë situatën.
Demi
Gjatë kësaj dite do jeni mjaft të vendosur dhe kurajoze. As optimizmi nuk do iu mungojë, por duhet të bëni kujdes nga siguria e tepërt në vetvete. Për ju të dashuruarit do jetë ditë e kënaqshme dhe e mbushur me emocione. Kënaqësitë dhe emocionet do jenë si kurrë më parë prandaj duhet ta shfrytëzoni çdo sekondë. Ju beqarët do dashuroheni kokë e këmbë me dikë, por do druheni t’i shprehin ndjenjat ashtu si do i ndieni. Në punë do jeni tepër intuitivë dhe do i kapni gjërat në ajër. Do i arrini objektivat tuaja edhe pse me pak përpjekje. Nëse jeni në kërkim të një punë do e gjeni. Gjendja e financave do jetë e shkëlqyer kështu që mund t’ia lejoni vetes edhe ndonjë shpenzim më tepër nga zakonisht.
Binjakët
Edhe pse presioni në çdo fushë do jetë i madh gjatë kësaj dite ju do mund t’i bëni ballë dhe do arrini objektivat tuaja. Ju të dashuruarit nuk do keni për çfarë të qaheni sepse çdo gjë do ju ecë për mrekulli në marrëdhënien që keni krijuar. Ju beqarët do ndiheni më të kënaqur se kurrë më parë dhe do i pranoni ftesat e disa personave. Shumë shpejt gjërat kanë për të ndryshuar për ju. Në punë do jeni shumë energjikë, por nuk do arrini shumë lart. Do iu dalin pengesa dhe promovimi do të vihet në pikëpyetje. Gjendja e financave do mbetet goxha delikate. Mundohuni që njëherë për njëherë të mos shpenzoni shuma të mëdha.
Gaforrja
Gjatë kësaj dite do keni shumë nevojë për gjithçka, por më tepër për para. Do mendoheni gjatë për të gjetur zgjidhje dhe për të përmbushur të gjitha nevojat. Ju të dashuruarit do kaloni momente mjaft pasionante dhe do ndiheni pafundësisht mirë. Do ndiheni mirë në krahët e partnerit dhe gati për të marrë edhe disa vendime. Ju beqarët duhet të bëni kujdes me mënyrën sesi do i joshni të tjerët sepse mund t’i ulni pikë vetes. Në punë do iu kërkohet të merreni edhe me gjëra të parëndësishme dhe do largoheni nga ato që keni më tepër rëndësi. Financat nuk do jenë aq të mira sa ju do kishit dëshiruar. Kujdes me çdo lloj shpenzimi që do kryeni.
Luani
Mërkuri do iu bëjë pak të nxituar këtë muaj, por Marsi nga ana tjetër do iu vërë fre. Që në fillim, bëni një listë me gjërat më prioritare. Ju të dashuruarit do jeni mjaft sensualë dhe do e surprizoni në çdo moment personin që keni në krah. Do ndiheni vërtet mjaft mirë. Ju beqarët do realizoni takime interesante, por do keni frikë të hidhni hapa më tej. Në fakt po pritët shumë keni për t’u penduar. Intuita do iu bëjë të kaloni pengesat në punë, por gjithsesi kontrolloni dhe verifikoni çdo gjë në mënyrë që mos ju dalin të papritura. Në planin financiar do kaloni goxha vështirësi dhe vetëm me ndihmën e familjareve do mund të mos mbeteni pa para.
Virgjëresha
Sido që t’iu vijnë gjërat gjatë kësaj dite ju sërish nuk do e humbni energjinë dhe gjallërinë. Pengesat do mundoheni t’i kaloni pa u nxituar shumë. Ju të dashuruarit do jeni shumë të ngarkuar me punë dhe keni për ta lënë pas dore partnerin tuaj. Do bëni mirë të flisni me të dhe t’ia sqaroni gjithçka para se të keni probleme. Ju beqarët do keni vetëm disa takime normale dhe do mbeteni sërish vetëm. Në punë do jeni profesionistë dhe do i kryeni me saktësi të gjitha detyrat që do iu japin shefat. Në asnjë moment nuk do ankoheni për vështirësitë që do iu dalin. Në planin financiar gjithçka do ndryshojë për mirë falë mbështetjes së madhe që do iu japin disa familjarë.
Peshorja
Venusi do të largohet nga qielli juaj, por përsëri jeta juaj nuk do jetë plotësisht e stabilizuar. Nëse keni një lidhje mund të rikthehet paksa besimi tek njëri-tjetri. Dozat e harmonisë do shtohen dhe emocionet në çift do jenë më të mëdha. Çdo çast do jetë më i veçantë se tjetri. Ju beqarët do merrni bekimin e yjeve dhe do realizoni takimin më të bukur të jetës tuaj. Gjithçka ka për të ndryshuar për ju. Për jetën profesionale do jeni më të shqetësuar. E dini shumë mirë se kurajoja, ndershmëria dhe mirësia janë armë të forta për të arritur majat e suksesit. Do keni mjetet e duhura për të marrë atë që dëshironi. Në planin financiar do dini mirë si t’i bëni llogaritë dhe nuk do keni as problemin më të vogël.
Akrepi
Gjatë ditës së sotme do jeni më dinamikë, më të vendosur, por paksa impulsivë. Këtë gjë duhet ta menaxhoni paksa më mirë që të mos ju lindin probleme. Ju të dashuruarit do jeni bujarë me partnerin tuaj dhe do e lini më të lirë atë. Kujdes sepse ai mund të përfitojë nga kjo dhe t’iu hipe në qafë. Ju beqarët nuk duhet të thurni ëndrra të parealizueshme sepse do e këndoni veten më tepër nga sa mund ta keni imagjinuar. Në punë Mërkuri do nxitë shkëmbimet intelektuale dhe bashkëpunimet. Do ecni me ritme të shpejta dhe do keni imagjinatë më të zhvilluar. Në planin financiar do fryjë një stuhi e madhe për shkak të gabimeve që keni bërë kohët e fundit.
Shigjetari
Gjatë kësaj dite keni për të marrë lajme shumë të bukura dhe do ndiheni vërtet sikur jeni nëpër ëndrra. Nëse jeni në një lidhje do arrini ta përmirësoni jetën tuaj dhe do ndiheni të qetë pranë partnerit. Toleranca dhe mirëkuptimi do mbizotërojë gjithë kohës. Ju beqarët do bini në dashuri me një të afërm te miqve dhe do keni disa ndryshime në jetën tuaj. Ndihmesa e miqve do jetë padiskutim e rëndësishme. Në punë do jeni shumë më të organizuar dhe do merrni kohë para se të hidhni hapat përfundimtare. Gjithçka për ju ka për të qenë e jashtëzakonshme. Me financat duhet të tregoheni sa më të kursyer në mënyrë që të mos ju lindin aspak probleme.
Bricjapi
Falë Uranit që do e keni gjithë kohës në krah sot nuk do ju mungojë as energjia dhe as entuziazmi. Ka mundësi që të gjitha dëshirat t’iu realizohen një e nga një. Ju të dashuruarit shfrytëzojeni sa të mundni ditën e sotme sepse jo gjithmonë do ju shfaqen mundësi të tilla. Partneri do ju mbajë në pëllëmbë të dorës. Ju beqarët do përjetoni kënaqësi pafund falë disa personave që i keni njohur rishtazi. Në punë Urani dhe Dielli do ju shtojnë idetë dhe do arrini të gjeni zgjidhje edhe për çështjet më delikate që dikur iu janë dukur të paarritshme. Në planin financiar duhet të ndërmerrni iniciativa për ta ndryshuar sa më parë gjendjen sepse në të kundërt do keni probleme serioze.
Ujori
Gjatë gjithë kësaj dite do keni nevojë për ndryshime në jetën tuaj. Mërkuri do krijojë kushtet e duhura për të realizuar projektet e duhura. Për ju që keni një lidhje adrenalina do shtohet dhe kënaqësitë do jenë më të mëdha se kurrë më parë. Shfrytëzojeni çdo sekonde sikur të ishte e fundit. Ju beqarët do përzgjidhni gjatë gjithë kohës dhe do humbisni disa mundësi të shkëlqyera. Në punë do keni mjaft takime e mbledhje. Idetë tuaja do jenë origjinale dhe disa takime do iu ndihmojnë të realizoni projekte të mëdha. Mos pranoni të bëni bashkëpunime sepse nuk do jetë e nevojshme. Në planin financiar do jeni gjithë kohës me fat dhe gjendja do mbetet e mirë pavarësisht se do kryeni edhe shpenzime.
Peshqit
Gjate kësaj dite Marsi do të sjellë tension në familje dhe në profesion kështu që duhet të tregoheni të Nëse keni një lidhje nuk do ju ndodhë asgjë e keqe. Merrini gjërat si t’iu vijnë dhe shprehini sa të mundeni ndjenjat. Ju beqarët do mendoni për një dashuri të humbur dhe as që do e keni mendjen për të parë dikë tjetër. Duhet të ndryshoni në fakt sepse po vazhduat kështu do vuani tej mase. Në punë nuk do merreni me gjëra të kota dhe pa interes të madh, por me thelbin. Edhe pse do keni konkurrencë të fortë do mund të arrini objektivat tuaja. Buxheti do jetë gjithë kohës i qëndrueshëm. Do i shlyeni edhe disa borxhe. /dritare.net
