Dashi
Këtë muaj do ndiheni shpeshherë keq që nuk do gjeni aq shumë kohë për ta kaluar me të afërmit, por në fakt ata do ju mbështesin dhe do ju kuptojnë për gjithçka. Nëse jeni në një lidhje shpesh do mbizotërojë monotonia në jetën tuaj dhe nuk do i përjetoni emocionet që keni ëndërruar gjithmonë. Duhet të prisni javën e fundit për tu ndier më mirë. Ju beqarët nuk do dini se çfarë të bëjnë sepse nuk do i kenë mendimet aspak të qarta. Në momente të tilla, nuk duhen marre asnjëherë vendime. Shëndeti nuk do jetë në gjendjen më të mirë të mundshme. Duhet patjetër të konsumoni më tepër vitamina në mënyrë që ta rimerrni veten. Në planin financiar do bëni edhe gjëra ekstreme vetëm për ta përmirësuar situatën dhe do ja dilni mbanë. Në punë gjithashtu do keni vetëm arritje dhe sukses pavarësisht konkurrencës.
Demi
Me familjarët dhe miqtë gjërat do ecin më së miri këtë muaj. Nëse jeni në një lidhje javët e para, tensioni dhe mosmarrëveshjet do mbizotërojnë. Asnjeri nuk do hapë rrugë dhe nuk do pranojë të dëgjojë justifikime. Ju beqarët do jeni nostalgjikë për të shkuarën dhe mund të mendoni të riktheheni me dikë që dikur e keni dashur. Kujdes sepse personat nuk ndryshojnë lehtësisht dhe mund të vuani përsëri. Sipas Dritare.net, shëndeti do jetë përgjithësisht i mirë dhe madje nuk do keni më as shqetësimet nga stomaku apo nga koliti. Buxheti do fillojë të përmirësohet pas datës 10, kështu që deri atëherë tregohuni më të kujdesshëm dhe më të logjikshëm me shpenzimet. Në punë bëjeni çdo gjë pa shumë zhurme sepse përndryshe do nxitni xhelozinë e të tjerëve.
Binjakët
Muaj i mbushur me entuziazëm do jetë ky për të gjithë. Do kaloni momente shumë të veçanta të cilat do ua shtojnë dëshirën për të jetuar. Ju të dashuruarit do kaloni edhe ditë të vështira kur duhet të bëni disa zgjedhje, por në përgjithësi gjërat do ecin si duhet. Ndjenjat për njeri-tjetrin do jenë gjithmonë të forta. Ju beqarët javën e parë do keni takime, por asnjeri nuk do ju pëlqejë, ndërkohë që pas datës 9 do ketë ndodhi interesante dhe shpresëdhënëse. Shëndeti nuk do ketë probleme serioze, përveç ndonjë dhimbjeje koke, barku apo shpine pa pasoja. Financat vështirë se do i mbani nën kontroll sepse do mendoni vetëm t’ia bëni sa më tepër qejfin vetes. Në punë do i keni idetë shumë të qarta dhe do veproni si duhet. Arkitektet dhe muzikantet do përfundojnë disa projekte gjigande dhe shumë shpejt do marrin fitime të mëdha.
Gaforrja
Ky do jetë një muaj më i mirë për ju. Nëse jeni në një lidhje do i përkushtoheni edhe më tepër atij që keni në krah dhe marrëdhënia mes jush ka për të qene e jashtëzakonshme. Nëse keni shumë vite bashkë mund të mendoni të hidhni edhe hapa më tej. Ju beqarët që deri më tani kane pritur më kot për të ndryshuar statusin, vetëm këtë muaj do mund ta gjeni personin e duhur me të cilin keni për të filluar një lidhje mbresëlënëse. Shëndeti do jetë herë i mirë e herë me disa shqetësime të vogla, por gjithsesi ju nuk do e lëshoni veten aspak. Buxheti do vijë duke u përmirësuar javë pas jave. Përveç fitimeve në këtë gjë do ndikojë edhe përkujdesi dhe maturia juaj. Në punë do keni shumë progres dhe mund të kaloni në një tjetër faze.
Luani
Ky nuk ka për të qenë një muaj shumë i lehtë për t’u kaluar. Jeta do ju përballë me sfida dhe vështirësi të njëpasnjëshme. Nëse keni një lidhje duhet t’iu përkushtoheni sa më shumë atyre që keni në krah pasi po i latë pas dore do i humbisni pak e nga pak. Problemet e vjetra nuk duhet t’i lini pa i zgjidhur sepse do zmadhohen më tepër. Ju beqarët do i keni të gjitha mundësitë për të filluar një lidhje të qëndrueshme dhe afatgjatë, por duhet të reflektoni disa herë para se të hidhni hapa. Shëndeti nuk do jetë aspak i keq, edhe pse ndonjëherë lodhja mund t’iu pushtojë. Me financat do jeni diplomatë dhe do ecni gjithmonë me llogari. Asgjë e keqe nuk do ju ndodhë. Në punë do jeni luftarakë dhe askush nuk do mundet t’ua ndalë vrullin. Ju profesionistët e lirë dhe apo të fushës së mësuesisë do keni më tepër sukses.
Virgjëresha
Këtë muaj do jeni mjaft optimistë dhe do e merrni çdo gjë me pozitivitet. Do i qetësoni gjithmonë edhe ata që do keni pranë. Nëse jeni në një lidhje do keni diskutime afatgjata me atë që keni në krah dhe do gjeni zgjidhje për çdo gjë. Pas javës së parë do mendoni edhe për surpriza dhe kënaqësitë do jenë më të mëdha se më parë. Ju beqarët do e takoni personin e ëndrrave që javën e parë dhe do i gëzoheni akoma më shumë jetës. Shëndeti mund të ketë edhe disa probleme të vogla, por gjithçka do kalojë shpejt. Mundohuni të mos alarmoheni për asgjë. Financat nuk do jenë në gjendjen më të mirë pasi ju nuk do dini të bëni kufizime dhe nuk do mendoni për të ardhmen. Në punë do i bindni të gjithë se keni të drejte për disa çështje dhe falë kësaj do merrni edhe propozime fantastike.
Peshorja
Ky muaj do jetë përgjithësisht me diell për ju dhe gjërat nuk do ju ecin keq. Nëse keni një lidhje do bëni ndryshime rrënjësore që në fillim të muajit dhe do ju duket sikur do rilindni. Rutina kishte kohë që po ju zinte frymën. Partneri në fakt do jetë ai që do hapë më shumë rrugë dhe do mendojë edhe për surprizat më të veçanta. Ju beqarët do jeni goxha të rezervuar, por në fakt mundësitë që do iu jepen për takime do jenë aq të mira saqë nuk do mundni dot t’i neglizhoni. Shëndeti ka për të qenë i shkëlqyer. Do jeni dinamikë dhe nuk do keni asnjë shqetësim. Financat do i keni gjithë kohës nën kontroll, prandaj nuk do ju dalë asnjë e papritur e pakëndshme. Sipas dritare.net, në punë do vlerësoheni për ambicien dhe korrektësinë, por do jeni paksa të turpshëm për të kërkuar të drejtat që ju takojnë. Java e dytë dhe e tretë ka për të qenë e mbushur me arritje.
Akrepi
Nëse tregoheni të logjikshëm, të duruar dhe të matur, çdo gjë do ju ecë mirë këtë muaj. Nëse jeni në një lidhje do mundoheni të flisni hapur për çdo gjë, kështu që mes jush dhe partnerit nuk do ketë probleme. Edhe nëse keni pasur zënka do ndiheni më të qetë. E rëndësishme është t’i bëni gjithmonë gjërat bashkërisht dhe të shihni të dy palët në të njëjtin drejtim. Ju beqarët nuk duhet të prisni që dikush t’iu trokasë në derë dhe t’iu lutet, por duhet ta kërkoni kudo princin tuaj të kaltër. Shëndeti nuk do jetë në gjendjen më të mirë të mundshme. Stresi dhe lodhja do krijojnë herë pas here probleme dhe nuk do ndiheni të qetë. Këshillohuni me mjekët pa u ndërlikuar situata. Në planin financiar nuk do arrini dot të ruani kontrollin. Në punë do jeni më të arsyeshëm dhe me pak kujdes mund të arrini ku doni.
Shigjetari
Nëse nuk mendoni vetëm për veten tuaj gjatë këtij muaji, gjërat kanë për të ecur më së miri. Ju të dashuruarit do qëndroni disi larg atij që doni në javët e para pasi do keni disa mosmarrëveshje delikate. Pas datës 13, koha do hapet dhe dielli do e ngrohë atmosferën. Mundohuni që të kërkoni falje për gabimet e bëra. Ju beqarët duhet t’i bëni sytë katër nga mesi i muajit pasi disa persona me vlera do jenë rrethe e rrotull. Mos e lini këtë mundësi t’iu ikë nga duart. Gjendja shëndetësore do kërkojë më tepër kujdes. Nëse keni pasur probleme disa kohë më parë do jetë mirë të bëni kontrolle dhe analiza për të parë situatën në është përmirësuar sa duhet. Financat nuk do jenë të këqija, kështu që mund të përfitoni për të bërë ndonjë investim më shumë. Në punë, me rregull, përgjegjshmëri dhe vendosmëri do arrini majat.
Bricjapi
Gjate këtij muaji, komunikimi dhe bashkëpunimi do jenë pikat tuaja më të forta, por ama nuk do pranoni çdo gjë menjëherë sapo t’iu propozohet nga dikush. Për ju çiftet, qielli i dashurisë do jetë plot ngjyra sidomos pas datës 14. Harmonia do mbizotërojë dhe do ndiheni për mrekulli. Do merrni pjesë edhe në disa aktivitete të jashtme së bashku me partnerin çka do e ndryshojë rutinën e zakonshme. Ju beqarët do flirtoni dhe do joshni gjatë gjithë kohës, por do preferoni të mos hidhni hapa. Shëndeti nuk do jetë i keq, megjithatë pak kujdes me ushqimin dhe pak me tepër aktivitet fizik nuk do ju bëjë keq. Në planin financiar mos i tejkaloni kufijtë e shpenzimeve nëse nuk doni të keni probleme të vazhdueshme. Në punë do keni energjinë dhe vendosmërinë e duhur për të arritur majat. Mbrojini me çdo kusht idetë tuaja dhe keni për të pasur përfitime.
Ujori
Këtë muaj do përkujdeseni tej mase për njerëzit e dashur dhe mund të lini pas dore edhe disa çështje personale. Nëse jeni në një lidhje do ju duhet patjetër të merrni disa vendime të rëndësishme sepse po i shtytë gjërat për më vonë situata mundet edhe të ndërlikohet. Do kaloni periudha të këndshme, por edhe ditë gri e të mbushura me debate. Mundohuni të jeni sa më shumë tolerantë. Ju beqarët duhet t’i pranoni ftesat apo propozimet që do ju bëhen sepse përveçse do jenë interesante, kanë për t’ua bërë jetën edhe më të bukur. Shëndeti nuk do jetë i keq. Në pjesën më të madhe të kohës do jeni energjike, por nga mesi i muajit mund të kaloni disa ditë delikate. Mos u alarmoni, por thjesht merrni masat e duhura. Financat do përmirësohen jashtëzakonisht, ndërsa në punë do viheni përpara zgjedhjeve të vështira.
Peshqit
Këtë muaj do jeni më të afruar, më të dashur dhe më tolerante me të gjithë. Nëse jeni në një lidhje, besimi që keni ndaj partnerit do rritet edhe më tepër dhe dialogu do forcohet. Marrëdhënia ka për të qenë e shkëlqyer pasi nuk do mungojnë as çastet e veçanta romantike. Ju beqarët do keni plot mundësi për takime, por duhet të tregohen të matur në çdo moment në mënyrë që të bëni zgjedhjen më të mirë. Për shëndet më të qëndrueshëm duhet të vazhdoni të tregoheni sa të mundeni të kujdesshëm me ushqimin dhe nuk duhet të ndërprisni për asnjë çast aktivitetin fizik. Financat vështirë se mund t’i menaxhoni si duhet, por disa të afërm ose miq do ju ndihmojnë tej mase. Në punë duhet të jeni më të duruar që të arrini atë që doni. Besim të plotë tek koleget nuk duhet të keni absolutisht. /dritare.net
