# I gjenden 528 mijë lekë në makinë për blerjen e votave, arrestohet sekseri në Pukë

> Policia njofton se 45-vjeçarit me iniciale V. Sh. dhe 25-vjeçari me iniciale D.S, drejtues i një subjekti politik në Pukë hartonin lista me të dhënat…

**URL:** https://publialb.al/i-gjenden-528-mije-leke-ne-makine-per-blerjen-e-votave-arrestohet-sekseri-ne-puke/
**Published:** 2021-04-10
**Modified:** 2021-04-10

---

Policia njofton se 45-vjeçarit me iniciale V. Sh. dhe 25-vjeçari me iniciale D.S, drejtues i një subjekti politik në Pukë hartonin lista me të dhënat e kartave të identitetit, duke iu premtuar qytetarëve lekë në këmbim të votës.

Njoftimi i policisë

Arrestimi i shtetasit V. Sh. u bë sepse gjatë kontrollit të ushtruar në automjetin e tij, në qytetin e Pukës, shërbimet e Policisë i kanë gjetur me vete këtij shtetasi shumën 528.000 lekë (të rinj), për të cilat nuk justifikonte burimin, si dhe një fletë e ngjashme me formatin e fletës së votimit.

Nga kontrolli i ushtruar në ambientet e biznesit të shtetasit D.S., Policia gjeti dhe sekuestroi dhe një tjetër fletë të ngjashme me fletën e votimit,  si dhe një fletë format A4, ku pasqyroheshin lista emërore (emër, atësi, mbiemër) me 27 persona dhe numrat e ID”, njoftoi policia.

Policia ka sekuestruar një sasi parash, një listë me të dhënat personale të 27 qytetarëve dhe dy fletë të ngjashme me fletët e votimit.

---

**Categories:** Aktualitet