# Importi i plehrave. Rama po e kthen sërish në Kuvend. > Në programin e punimeve të Kuvendit  në periudhën 18 shtator-13 tetor është parashikuar për tu votuar dhe një nga ligjet më të debatuara në sesionin… **URL:** https://publialb.al/importi-i-plehrave-rama-po-e-kthen-serish-ne-kuvend/ **Published:** 2017-09-18 **Modified:** 2017-09-18 --- Në programin e punimeve të Kuvendit  në periudhën 18 shtator-13 tetor është parashikuar për tu votuar dhe një nga ligjet më të debatuara në sesionin e kaluar ai i menaxhimit të integruar të mbetjeve. Nuk bëhet fjalë për një nismë të re por për dekretin e ish presidentit Nishani i cili e riktheu këtë ligj edhe një herë në kuvend  në 14  tetor të një vitit më parë. Tentativa e parë për ta kaluar ligjin ishte në tetor të vitit të kaluar kur shumica në kuvend përbëhej nga PS dhe LSI dhe kur ligji kaloi vetëm me 63 votata e PS. Por tashmë shumica e përbërë prej 74 mandatesh nuk ka më asnjë pengesë për ta rrëzuar dekretin e Presidentit e për ta futur kështu ligjin në fuqi. Ligji i menaxhimit të integruar të mbetjeve u kundërshtua nga shoqëria civile e mbështetur nga qytetarë si dhe nga shoqatat për mbrojtjen e mjedisit të cilat thonë se në këtë mënyrë në Shqipëri mund të hyjnë mbetje të pakontrolluara. --- **Categories:** Lajme **Tags:** Kuvend, Ligj, Plehra