# Izolimi s’e shmang dot valën e tretë të Covid në Francë, rritet numri i infektimeve në repartet e kujdesit intensiv > Të dielën në Francë u rrit numri i pacientëve të infektuar me koronavirus në repartet e kujdesit intensiv, njoftuan autoritetet shëndetësore franceze. Rritja ndodh edhe… **URL:** https://publialb.al/izolimi-se-shmang-dot-valen-e-trete-te-covid-ne-france-rritet-numri-i-infektimeve-ne-repartet-e-kujdesit-intensiv/ **Published:** 2021-04-19 **Modified:** 2021-04-19 --- ## Të dielën në Francë u rrit numri i pacientëve të infektuar me koronavirus në repartet e kujdesit intensiv, njoftuan autoritetet shëndetësore franceze. Rritja ndodh edhe pse vendi është mbyllur në një përpjekje për të mënjanuar një valë të tretë infeksionesh me koronavirus. Të dhënat nga Ministria e Shëndetësisë tregojnë se të dielën rezultonin 5,893 pacientë me koronavirus në pavionet e kujdesit intensiv, 16 më shumë se një ditë më parë. Numri i pacientëve me COVID-19 në spitale u rrit me 460 duke arritur në 30,780, duke i dhënë fund rënies pesë ditore të rasteve. Një zëdhës i qeverisë ka thënë se ka shenja se është lehtësuar disi presioni ndaj sistemit mjekësor, por situata në spitale mbetet serioze. Franca po shpreson se përshpejtimi i fushatës së vaksinimit, i kombinuar me mbylljen mbarëkombëtare një mujore, që u vu në zbatim një javë më parë, do të ndihmojë atë vend të rimarrë kontrollin ndaj shpërthimit të infeksioneve.   ![](https://ads.balkanweb.com/www/delivery/lg.php?bannerid=0&campaignid=0&zoneid=629&loc=https%3A%2F%2Fwww.balkanweb.com%2Fizolimi-nuk-shmang-dot-valen-e-trete-te-koronavirusit-ne-france-rritet-numri-i-te-infektuarve-ne-repartet-e-kujdesit-intensiv%2F&referer=https%3A%2F%2Fwww.balkanweb.com%2F&cb=9f18affa26) Zyrtarët e shëndetit njoftuan për 140 të vdekur nga koronavirusi nëpër spitalet e vendit në një hark kohor prej 24 orësh. Të enjten, numri i përgjithshëm i të vdekurve në Francë arriti në 100 mijë, duke e rendituar atë në vendin e tetë në botë për rastet më të larta. Të dhënat nga Ministria e Shëndetësisë tregojnë për 29,344 raste të reja infektimesh. Rreth 12.5 milionë njerëz kanë marrë të paktën një dozë vaksine kundër koronavirusit./VOA --- **Categories:** Bota