# Rusia nis vaksinimin ndaj COVID-19, OBSH skeptike: Nuk kanë dhënë informacion, për ne është në fazën e parë të testimit > Rusia do të nisë më 12 gusht vaksinimin e popullatës kundër COVID-19. OBSH e sheh me skepticizëm planin rus, duke thënë se Moska zyrtare nuk… **URL:** https://publialb.al/rusia-nis-vaksinimin-ndaj-covid-19-obsh-skeptike-nuk-kane-dhene-informacion-per-ne-eshte-ne-fazen-e-pare-te-testimit/ **Published:** 2020-08-07 **Modified:** 2020-08-07 --- Rusia do të nisë më 12 gusht vaksinimin e popullatës kundër COVID-19. OBSH e sheh me skepticizëm planin rus, duke thënë se Moska zyrtare nuk ka dhënë asnjë informacion në lidhje me testimet. **RUSI**-Kur e gjithë bota po lufton për gjetjen e një kure ndaj COVID-19, Rusia do të aplikojë më 12 gusht vaksinën e parë kundër koronavirusit. Lajmi është konfirmuar nga Ministri i Shëndetësisë, Oleg Gridnev. Sipas mediave të huaja, projekti kërkimor për vaksinën është kryer nga Instituti i Kërkimeve Gamaleya dhe Ministria e Mbrojtjes. “*Për momentin v aksina ndodhet në fazën e tretë. Testimet janë mjaft të rëndësishme. Ne duhet të sigurohemi që vaksina të jetë e siguritë. Mjekët dhe të moshuarit do të jenë të parët që do të vaksinohen*“, u shpreh ministri gjatë ceremonisë për hapjen e një ndërtese për kurimin e kancerit në qytetin e Ufas. Sipas ministrit, efektiviteti i vaksinës do të gjykohet kur të sigurohet imuniteti i popullatës. Më tej ai shtoi, se gjatë testimeve, të gjithë vullnetarët krijuan imunitet ndaj COVID-19.  Testimet për vaksinën filluan më 18 qershor dhe në to morën pjesë 38 vullnetarë. Tek të gjithë vullnetarët, pati reagim të sistemi imunitar. Faza e parë e testimit ishte më 15 korrik, ndërsa e dyta më 20 korrik. Ndërkohë OBSH ka shfaqur skepticizëm në lidhje me projektin e Rusisë, duke vënë theksin tek respektimi i protokolleve. Sipas OBSH, që të nisë prodhimi, vaksina duhet të ketë kaluar me sukses edhe fazën e tretë. Zyrtarë të OBSH, shprehen, se Rusia nuk ka dhënë asnjë informacion në lidhje me fazat e testimit, ndërsa e konsiderojnë projektin e Gamaleya në fazën e parë. Aktualisht Rusia numëron 877.135 të prekur në total, ku në 24 orët e fundit u shënuan 5241 raste të reja. Marrë dhe përshtatur nga [Livemint](https://www.livemint.com/news/world/world-s-first-covid-19-vaccine-to-be-registered-next-week-by-russia-report-11596802242325.html) --- **Categories:** Aktualitet, Bota **Tags:** OBSH skeptike: Nuk kanë dhënë informacion, për ne është në fazën e parë të testimit, Rusia nis vaksinimin ndaj COVID-19