# Thjesht humane dhe emocionuese/ Mjekët përulen para trupit të vajzës, zemra e së cilës ju dhurua 22-vjeçarit (FOTO)

> Ministri i Shëndetësisë së Maqedonisë së Veriut, Venko Filipce ka publikuar disa foto, ku mjekët përulën para trupit të një vajze, e cila humbi jetën në…

**URL:** https://publialb.al/thjesht-humane-dhe-emocionuese-mjeket-perulen-para-trupit-te-vajzes-zemra-e-se-ciles-ju-dhurua-22-vjecarit-foto/
**Published:** 2021-04-17
**Modified:** 2021-04-17

---

Ministri i Shëndetësisë së Maqedonisë së Veriut, Venko Filipce ka publikuar disa foto, ku mjekët përulën para trupit të një vajze, e cila humbi jetën në aksident, por zemra e saj u transplantua në trupin e 22-vjeçarit.

Përmes një postimi në rrjetin social Facebook Filipce shkruan se ky është një moment historik, ku e reja që humbi jetën në aksident shpëtoi jetën e një tjetër bashkëmoshatari të saj.

“Nuk ka fjalë për të shprehur falënderim për familjen. Nuk ka fjalë për të cilat mund të përshkruhet altruizmi dhe madhështia e dhënies së organeve.

Në momente të pikëllimit të madh të merret vendim për dhurim të organeve është definicioni i humanitetit”, tha Filipce.

Gjithashtu, ministri ka publikuar dhe një tjetër foto, ku thekson se gjendja e të riut, i cili tashmë ka një zemër tjetër në trupin e tij është e qëndrueshme.

![Gjesti i rrallë në Maqedoninë e Veriut/ Mjekët përulen](https://cdnimpuls.com/gazeta-shqip.com/media3/-640-0-607acede553fd.jpg)

![Gjesti i rrallë në Maqedoninë e Veriut/ Mjekët përulen](https://cdnimpuls.com/gazeta-shqip.com/media3/-640-0-607acede0b10e.jpg)

![Gjesti i rrallë në Maqedoninë e Veriut/ Mjekët përulen](https://cdnimpuls.com/gazeta-shqip.com/media3/-640-0-607aceddd65cf.jpg)

---

**Categories:** Bota