# UKD: Rrëshqitjet e dherave dëmtojnë dy tubacionet e ujit të pijshëm

> Ujësjellës Kanalizime Durrës njofton abonentët se nga dita e sotme do të ketë kufizime në furnizimin me ujë për shkak të disa difekteve që kanë…

**URL:** https://publialb.al/ukd-rreshqitjet-e-dherave-demtojne-dy-tubacionet-e-ujit-te-pijshem/
**Published:** 2021-02-02
**Modified:** 2021-02-02

---

Ujësjellës Kanalizime Durrës njofton abonentët se nga dita e sotme do të ketë kufizime në furnizimin me ujë për shkak të disa difekteve që kanë ndodhur nga shirat e ditëve të fundit. Aktualisht stacioni i pompimit në Fushë Krujë që furnizon Shijakun është stakuar, po ashtu edhe stacioni i ri i pompave në Milot që furnizon me ujë qytetin e Durrësit.  Për shkak të rëshqitjes së dherave oranë depos së Shilores në Shijak, është carë tubacioni DN 400 mm dhe për këtë arsye zona e Shijakut dhe Maminasit nuk po furnizohet me ujë. Rëshqitjet e dherave kanë dëmtuar edhe tubacinin e ri DN 700 mm në kodrën e Ishmit. Në këto kushte është ndërprerë puna edhe në stacionin e pompave në Milot, nga i cili furnizohet me ujë të pijshëm qyteti i Durrësit dhe një pjesë e fshatrave. UKD ka dërguar që në momëntin e parë dy brigada që po meren me riparimin e difekteve. Ujësjellës Kanalizime Durrës kërkon mirëkuptimin e qytetarëve për situatën e krijuar.

---

**Categories:** Aktualitet
**Tags:** UKD: Rrëshqitjet e dherave dëmtojnë dy tubacionet e ujit të pijshëm