# Ura Vajgurore ndryshon emrin, do të quhet Dimal

> Bashkia Ura Vajgurore së shpejti do të quhet Dimal. Propozimi për ndryshimin e emrit ka ardhur nga vetë banorët dhe disa intelektualë të zonës dhe…

**URL:** https://publialb.al/ura-vajgurore-ndryshon-emrin-do-te-quhet-dimal/
**Published:** 2020-07-22
**Modified:** 2020-07-22

---

![](https://adrianet.al/wp-content/uploads/2020/07/download-2.jpg)

Bashkia Ura Vajgurore së shpejti do të quhet Dimal. Propozimi për ndryshimin e emrit ka ardhur nga vetë banorët dhe disa intelektualë të zonës dhe ideja e këtij emërtimi erdhi pas zbulimit të qytetit antik të periudhës Ilire “Dimal”, rrënojat e të cilit u zbuluan në kodrën e qytetit të Urës-Vajgurore. Pas propozimeve të bëra, mësohet se bashkia është konsultuar me qytetarët nëpërmjet shumë takimeve të organizuara me ta, ku është vërejtur dëshira unanime për ndryshimin e emrit.

Kryetarja e bashkisë Urë-Vajgurore, Juljana Memaj ka deklaruar se ka një vit që merret me ndërrimin e emërtimit të bashkisë në Dimal, sipas ligjit të riorganizimit pa ndryshim kufijsh. “Zbulimi i qytetit antik të Dimalit zgjoi idenë për ta shndërruar emrin e Bashkisë së Urës Vajgurore në atë të Dimalit, me qëllim shndërrimin gradualisht në një destinacion turistik të kësaj qyteze”,- ka thënë Memaj.

---

**Categories:** Aktualitet, Lajme
**Tags:** do të quhet Dimal, Ura Vajgurore ndryshon emrin