Drejtorja Juridike e zyrës qendrore të hipotekës, Merita Qato ka qenë dëshmitarja e radhës që ka dëshmuar në Gjykatën e Krimeve të Rënda, në procesin në ngarkim të Emiljano Shullazit dhe anëtarëve të tjerë të grupit. Merita Qato ishte thirrur nga prokurorët për të dhënë sqarime në lidhje me regjistrimin e ish hotel Vollgës në Durrës. Qato tha para gjykatës regjistrimi ishte bërë dy vjet me parë gjatë kohës që ajo kishte qenë me pushime.
Juristja tha se ditën e parë që ishte kthyer ne punë ishte vene ne dijeni të regjistrimit ndërsa po atë dite kryeregjistruesi Ilirjan Muho e kishte pezulluar për 30 dite pas ankesës që kishte bërë nga pala tjetër që pretendonte pronësinë, sipas të cilëve regjistrimi nuk ishte i drejtë.
Qato tha se përfaqësuesit e palës tjetër madje kishin debatuar në zyrën e kryregjistruesit me tone të larta ndërkohë që në ato moment aty kishte qenë edhe kreu i hipotekës së Durrësit Jurgen Çyrbja. Por e pyetur nga prokuroria nëse i inijhte personat që kishin debatuar ne zyrën e Muhos, Qato tha se nuk i njihte, ndërkohë gjatë hetimeve paraprake kishte pohuar se të kundërtën.
Juristja e Zyrës Qendrore të Regjistrimit të Pasurive ishte dëshmitarja e vetme që u pyet në këtë séance, pasi për tre dëshmitarët e fundit të prokurorisë, gjykata do të ripërsërit thirrjen pas konfirmimit te ardhur nga policia se ishin larguar jashtë Shqipërisë. Ne seance u ishin të pranishëm të pese të pandehurit, ndërkohë që I akuzuara kryesor si kreu i grupit kriminal Emiljano Shullazi, këtë here kishte marrë masa për të forcuar mbrojtjen. Ai kërkoi gjykatës që krahas avokatit Vladimir Meçe ai do të mbrohej edhe nga një tjetër avokat.