Qendrat Amerikane për Kontrollin dhe Parandalimin e Sëmundjeve dhe Administrata Amerikane e Ushqimit dhe Barnave kanë rekomanduar që Shtetet e Bashkuara të pezullojnë përdorimin e vaksinës Johnson & Johnson Covid-19 pas raportimit të 6 rasteve të mpiksjes së gjakut.
Të gjashtë personat ishin gra mes moshave 18 dhe 48, njëra nga ato humbi jetën dhe një grua e dytë në Nebraska është shtruar në spital në gjendje kritike.
Pothuajse shtatë milion njerëz në Shtetet e Bashkuara kanë marrë vaksinën e Johnson & Johnson deri më tani dhe afërsisht nëntë milion doza të tjera janë dërguar për injektim.
“Sot FDA dhe @CDCgov lëshuan një deklaratë në lidhje me vaksinën Johnson & Johnson. Ne rekomandojmë një pauzë në përdorimin e kësaj vaksine,” thuhet në njoftimin e FDA.
Vendimi është një goditje për Johnson & Johnson ashtu edhe për planet e administratës për vaksinimin.
Top Channel