Më 28 mars të këtij viti, vendi ynë dërgoi 30 mjekë drejt shtetit Italian, pikërisht në momentin kur Italia qëndronte e gjunjëzuar përpara koronavirusit, duke humbur qindra jetë çdo ditë.
30 mjekët tanë kryen me sukses detyrën, duke marrë vëmenjen jo vetëm të mediave italiane por edhe më gjerë, sesi Shqipëria një vend aq i vogël, të ishtë ndër të parët që asistoi Italinë me forca mjekësore.
Mesa duket ka ardhur koha që Italia të “kthejë nderin”, nisur edhe nga situata e rëndë në të cilën ndodhët vendi ynë, pasi që prej 10 qershorit ka pasur një tendencë në rritje të numrit të të infektuarëve, dhe gjithmonë e më shumë po bëhet e vështirë përballja me virusin.
Italia i vjen në ndihmë Shqipërisë në këtë kohë të vështirë, pasi vetë presidenti i rajonit të Puglia-s, Michele Emiliano, deklaroi se do të ketë një angazhim në nivel rajonal në Itali, për të ndihmuar Shqipërinë, duke ofruar kështu përvojën që ky shteti ndoqi në pikun e pandemisë.
“Mund të njoftojmë se kemi pasur nderin e madh nga qeveria italiane, nga Departamenti i Mbrojtjes Civile dhe natyrisht edhe nga Ministri Boçia i cili koordinon këtë lloj aktiviteti në nivelin rajonal, dhe jemi ngarkuar me kryerjen e një misioni të veçantë, për të mbështetur sistemin shëndetësor shqiptar për përballimin e Covid bazuar në përvojën që kemi pasur në Itali”, tha Emiliano gjatë konfernecës.
Ai ai u shpreh se ka patur edhe një telefonatë dhe me kryeministrin, Edi Rama, gjatë të cilës i shprehu mbështetje për sistemin shëndetësor.
“Sot do të fillojë takimi i parë me video-konferencë midis teknikëve të mi nga Departamenti i Shëndetësisë dhe Mbrojtjes Civile dhe homologëve shqiptarë. Disa ditë më parë pata kontakte me kryeministrin shqiptar, Edi Rama, të cilit ne i ofruam ndihmën tonë. Pasi të kemi rregulluar të gjitha procedurat, task forca e Mbrojtjes Civile Kombëtare, e mishëruar nga Mbrojtja Civile Apulian, do të niset për në Shqipëri për të dhënë pikërisht kontributin tonë”, ka thënë presidenti i Puglias. “Misioni synon gjithashtu të parandalojë rreziqet epidemiologjike që vijnë nga Shqipëria, prandaj ne do të operojmë kontrolle ndërkufitare”, tha ai më tej.