Për momentin mund të ndihesh sikur nuk po ecën përpara, sepse e krahason shpesh veten me miqtë e tu dhe me jetën që ata bëjnë, dhe që ti e sheh përmes rrjeteve sociale.
Edhe pse shumë veta mund tëmundohen të tregojnë se jeta e tyre nuk është aq e bukur sa duket, sërish nuk bindesh dhe bie pre e krahasimeve. Jeta jote nuk të duket mjaftueshëm e bukur apo perfekte. Por çfarë mund të bësh në njësituatë të tillë?
Mundohu t’i takosh miqtë e tu dhe prej tyre ke për t’u bindur se nuk po jetojnë një jetë perfekte. Çdokush është duke kaluar vështirësi në jetën e vet, të cilat jo të gjitha i shpreh tek të tjerët. Kjo gjë jo vetëm që do të të bindë se jeta jote po shkon mirë, por do të zbusë edhe “zilinë” tënde për t’u bërë si të tjerët, apo për të jetuar si ata. A ka mënyrë më të mirë se kjo për të kuptuar se nuk duhet ta krahasosh veten me të tjerët?
Asnjëherë mos mendo se të tjerët po jetojnë më mirë. Mos e krahaso veten me asnjë person, mbaje kokën lart dhe kujtohu se nuk je as më i mirë, as më i keq se të tjerët. Ji vetvetja, mundohu për më të mirën, dhe ke për të parë se do të ecësh në rrugën e duhur, duke realizuar synimet që i ke vendosur vetes.