Policia e Durrësit, arrestoi një tjetër shtetas të dyshuar për shpërndarje të lëndëve narkotike të forta. Një 24 vjeçar, ka rënë në pranga të policisë, pasi i janë sekuestruar 11 doza lëndë e dyshuar si kokainë dhe disa paisje që i shërbenin për shitjen e drogës.
Njoftimi i plotë i policisë:
Durrës
Goditet një tjetër rast i shpërndarjes së drogave të forta në doza të vogla.
Arrestohet në flagrancë një 24-vjeçar.
Sekuestrohen 11 doza me lëndë narkotike kokainë, peshore elektronike, 2 automjete, 2 telefona celular dhe një sasi parash të përfituara nga shitja e lëndës narkotike.
Në vijim të operacioneve të shumta për goditjen e veprimtarisë kriminale të shpërndarjes së drogave të forta, specialistët e Seksionit për Hetimin e Narkotikëve në Drejtorinë Vendore të Policisë Durrës, si rezultat i një hetimi disajavor të ndjekur me metoda speciale të hetimit, arrestuan në flagrancë shtetasin:
- P., 24 vjeç, banues në Durrës.
Pas kontrollit të ushtruar në mjetin e tij u gjetën 11 doza me lëndë narkotike kokainë, të cilat i shiste kryesisht në lagjen nr. 1, Durrës.
Gjithashtu u sekuestruan në cilësinë e provës materiale 1 peshore elektronike, 2 automjete, 3 telefona celularë dhe një sasi parash të përfituara nga shitja e lëndës narkotike.
Materialet i kaluan Prokurorisë së Rrethit Gjyqës or Durrës, për veprën penale “Prodhimi dhe shitja e lëndëve narkotike”.