Kryeministri Rama ka njoftuar se në vendin tonë kanë mbërritur 25 mijë doza të tjera të vaksinës Sputnik.
“Mbërrijnë 25 mijë doza të tjera të vaksinës SPUTNIK, Ritmet e vaksinimit do të vijojnë të rriten dhe objektivi i 1/2 milionë të vaksinuarve brenda majit do të arrihet në pjesën e parë të muajit”, thekson Rama.
Ndërsa, Ministrja e Shëndetësisë dhe Mbrojtjes Sociale Ogerta Manastirliu shkruan se procesi do të vijojë të intensifikohet. Në total deri tani kanë mbërritur në Shqipëri 728 mijë dozat e vaksinave anti-Covid.
Prej fillimit të vaksinimit janë kryer në total 453,255 doza të vaksinës ndaj COVID19, prej të cilave 353,491 vaksinime për persona mbi 60 vjeç.