Mbrojtësi i skuadrës së Tiranës, Albi Doka, festoi ditëlindjen në krahët e ish-banores së “Big Brother”, Françeska Jaçe. Modelja seksi publikoi një video duke i uruar ditëlindjen 23-vjeçarit. Menjëherë u përhapën thashethemet se futbollisti i Tiranës dhe Françeska Jaçe janë në një lidhje. Ish-banorja e Big Brother vazhdon të nxisë thashethemet dhe është shfaqur mjaft mbështetëse ndaj Albi Dokës. Ajo publikoi një foto nga stadiumi teksa zhvillohej ndeshja mes Tiranës dhe Kukësit.
23-vjeçari Doka nuk ishte në fushë për shkak se kishte plotësuar numrin e kartonëve. Megjithatë duket se ka ndjekur ndeshjen nga tribuna së bashku me të dashurën e tij. Futbollisti shquhet për raportet e tij mjaft të afërta me vajzat e ekranit, kryesisht modelet, të cilat duket se janë në shijet e tij. Së fundmi, në një prononcim për mediat, i pyetur për jetën private, Doka u shpreh: “Unë përherë beqar kam qenë”, duke lënë të kuptohet se asnjëherë nuk ka qenë i angazhuar plotësisht në një lidhje. Kujtojmë që në të kaluarën, Doka është fotografuar edhe në krahët e Marina Farës, vajzës së këngëtares Eli Fara, duke kaluar së bashku pushimet në Sarandë.
Më pas u fol se ata kishin pasur një lidhje të shkurtër bashkë, por që nuk u konfirmua nga vetë ata.
/Panoramaplus.al