Testet e para serologjike për mësuesit dhe stafin arsimor filluan këtë jave në të gjithë Rajonin Puglia, në funksion të rihapjes së shkollave dhe, sipas vlerësimeve të “Fimmg Puglia”, deri në këto momente rreth 50% e 86,400 punonjësve janë regjistruar për tju nënshtruar analizës. Proçesi zhvillohet vetëm mbi bazë vullnetare, është falas dhe kryhet nga mjekë të përgjithshëm. Aktualisht në bazë të rezervimeve të marra, ka një anëtarësim afër 50%, por që pritet që të rritet në ditët në vijim. Testi është me vlerë absolute, sepse është shumë i besueshëm në rezultat . Mësuesit dhe punonjësit e shkollave Apuliane që vendosin t’i nënshtrohen testit duhet të kontaktojnë mjekun e tyre të përgjithshëm dhe të rezervojnë oraret. Testi i shpejtë përbëhet nga një mostër e vogël gjaku, e cila lejon të përcaktoni nëse një subjekt ka prodhuar ose jo antitrupa dhe për këtë arsye ka rënë në kontakt me Covid-19. Në rast të rezultatit pozitiv, kryhet shtupa dhe në rast të pozitivitetit të konfirmuar, personi do të vendoset në izolim./telebari/