Ministri britanik për Shtetin dhe Punët e Jashtme, Alan Duncan mbërriti për një vizitë zyrtare në Shqipëri.
Në takimin me shefin e diplomacisë shqiptare Ditmir Bushati, fokusi i diskutimeve ishte tek përgatitja për mbledhjen e radhës të Procesit të Berlinit, e cila në vitin 2018 do të mbahet në Mbretërinë e Bashkuar.
Për ministrin Duncan, mbajtja e samitit të ardhshëm në Britani është shenjë e vëmendjes që vendi i tij i kushton Ballkanit, pavarësisht vendimit për daljen nga Bashkimi Europian.
Po ashtu, dy ministrat diskutuan dhe për forcimin e mëtejshëm të marrëdhënieve dypalëshe.