Uthulla me hudhrën janë dy produkte të kuzhinës të cilat janë të jashtëzakonshme për shëndetin.
Kur bashkohen në një tonik të vetëm, të dy këto produkte formojnë një ilaç të jashtëzakonshëm.
Ekspertët e mjekësisë popullore aziatike e kanë përdorur këtë prej shekujsh për kura mjekësore.
Në këtë artikull të AgroWeb.org do të mësoni se si të bashkoni fuqitë e hudhrës dhe uthullës.
Receta është e thjeshtë: një litër uthull dhe 5 hudhra (kokë të plota), por ju mund të përdorni racione më të vogla duke patur në konsideratë sasinë prej 50 përqind uthull dhe 50 përqind hudhër në një enë.
Ju mund të përdorni uthull të pafiltruar molle. Mund t’i shtoni pak gjethe dafine nëse dëshironi.
Përgatitja:
Ndani thelpinjtë nga koka e hudhrës dhe qërojini një nga një.
Më pas shtypini në një tas qelqi. Shtoni uthullën dhe përziejini me një lugë.
Lëngun e uthullës me hudhër hidheni në një kavanoz qelqi dhe ruajeni në errësirë për të paktën dy javë deri në një muaj.
Pas një muaji, mund të filtroni uthullën dhe ta përdorni rregullisht.
Përdorimet dhe vlerat shëndetsore të tonikut me uthull dhe hudhër
Konsumoni nga një lugë gjelle të kësaj kure pas çdo vakti. Mos e përdorni në gatim sepse temperatura e lartë shkatërron vlerat e hudhrës.Nëse vuani nga mbipesha atëherë konsumoni dy deri në katër lugë pas çdo vakti.
Këtë tonik mund ta përdorni edhe kundër kollës dhe të ftohurës. Përzieni dy lugë gjelle nga toniku me një gotë ujë të vakët dhe pijeni nga pak para ngrënies, tre herë në ditë.
Ndiqini këto hapa deri sa kolla dhe e ftohura të largohen.
Nëse jeni të lodhur dhe të stresuar përzieni dy lugë gjelle nga toniku me ujë të ngrohtë dhe një lugë çaji mjaltë. Pijeni lëngun tre herë në ditë.
Kundër sëmundjeve të zemrës, mund të tresni dy lugë gjelle nga toniku në ujë të vakët dhe ta pini tre herë në ditë para ngrënies.
Tonikun mund ta përdorni edhe në kompresa të cilat mund t’i vendosni në zonën e kraharorit.
Kompresat mund t’i përdorni edhe nëse vuani nga artriti, nëse keni temperaturë dhe dhimbje.
Kundër hemorroideve mund të përdorni gjysëm gote të kurës pas çdo vakti.
Hudhra është fantastike falë vlerave kundër inflamacionit, baktereve dhe virozave.
Hudhra përmban sasi të mëdha të manganit, kalciumit, fosforit, seleniumit, vitaminës B6 dhe asaj C.
Përdoreni hudhrën për të ulur tensionin e gjakut, përmirësuar shëndetin kardiovaskular, ulur kolesterolin dhe metabolizuar hekurin