Planeti Jupiter ka zënë tashmë vendin e tij në Demi, të cilin do ta lërë për pak kohë pas datës 25/05, por së shpejti do të kthehet sërish në të njëjtën shenjë. Planeti Jupiter lidhet drejtpërdrejt me fatin, paratë, zgjerimin dhe mundësitë. Fakti që do të jetë në Demi është veçanërisht i favorshëm, pasi do të kemi më shumë stabilitet dhe vendosmëri për sa i përket çështjeve financiare.
Demi
Për gati një vit të tërë ju do të keni Jupiterin në shenjën tuaj dhe kjo do të thotë se është koha për të vënë në plan të parë çështjet tuaja profesionale, financiare dhe suksesi. Është koha e duhur për të marrë çfarëdolloj rreziku që keni dashur të merrni për një kohë, të bëni një zgjerim ose të përfitoni nga një mundësi. Përtej argëtimit, interesi juaj do të kthehet në qëllime dhe ëndrra financiare, të cilat do të kenë shanse të mira për t’u realizuar. Kjo kohë do të jetë ideale për çështjet e karrierës dhe parave.
Binjakët
Jupiteri nga shtëpia juaj e 12-të diellore, pra nga Demi për një vit të tërë ju bën të ndiheni të sigurt dhe të qëndrueshëm në sektorin financiar. Muajt e fundit mund të keni humbur pak masën dhe ritmin, por që nga mesi i majit jeni rikthyer në një rrugë solide. Do të ketë progres, suksese dhe bashkëpunime të reja në karrierën tuaj, të cilat përveç ambicieve do të sjellin edhe paga më të mira. Qëndroni të fokusuar në punën tuaj dhe gradualisht do t’i shihni gjërat të ndryshojnë, gjithnjë e më shumë për mirë.
Gaforrja
Për ju Gaforret, Jupiteri në Demi do t’ju ndihmojë të zgjeroheni. Nëse jeni duke kërkuar të blini një shtëpi ose të bëni një hap të madh në pasuri të paluajtshme ose pronë, kjo është një kohë e shkëlqyer. Ju bëni plane për të ardhmen dhe mendoni se si të zgjeroheni në mënyrë që të përmbushni gjithnjë e më shumë dëshira. Do të keni rritje të ndjeshme në karrierën tuaj, veçanërisht nëse jeni të përfshirë në fushën e kërkimit, teknologjisë, rrjeteve. Kështu që vazhdoni të kërkoni opsionet tuaja më të mira dhe sapo t’i gjeni, hidhni hapin tjetër.