Astro-fotografi finlandez shpenzon 12 vjet për panoramën e plotë të Rrugës së Qumështit


Kapja e të gjithë panoramave të galaktikës sonë Rruga e Qumështit, duket si një detyrë e rëndë, pasi gjatësia e saj është rreth 100 000 vite dritë, sipas Administratës së Aeronautikës dhe Hapësirës së SHBA.

Por astro-fotografi finlandez JP Metsavainio ka shpenzuar rreth 12 vjet duke gjetur pikat e bashkimit të 234 kuadrove për të krijuar një mozaik të qiellit prej 125 gradësh. Kjo panoramë, e cila tregon rreth 20 milionë yje dhe kap të gjithë hapësirën mes konstelacioneve Taurus e Cygnus, është përfunduar prej tij me 16 mars.

“Fotografia astronomike është një nga format më të vështira të fotografisë natyrore”, tha Metsavainio, autori i imazhit. “Mozaiku i imazhit tim është përgjithësisht shumë i thellë, që do të thotë se tregon imazhe shumë të zbehta dhe formacione në re gazi, të galaktikës tonë Rruga e Qumështit”.

Secili imazh i mozaikut është një punim artistik më vete, i publikuar në llogarinë e Metsavainio. Ai thotë se një imazh i tillë nuk ka ekzistuar më parë, dhe kjo është arsyeja përse ai i ka kushtuar mijëra orë punë projektit të tij.

Metsavainio ka përdorur lente të modifikuara dhe teleskopë në observatorin e tij në veri të Finlandës, pranë rrethit Arktik, dhe programe përpunuese për përshtatjen e ngjyrave.

Astro-fotografi thotë se imazhet e tij të preferuara janë ato të mbetjeve nga supernova-t, të cilat ndodhin pas shpërthimit të një ylli. Në panoramën e tij duken disa prej tyre, siç është Guaska e Cygnus, një supernova e zbehtë që mund të dallohet si një unazë e zbehtë blu, pranë Nebulës së Amerikës së Veriut, vetëm për të cilën autori thotë se iu deshen 100 orë për ta krijuar.

Llogaria e tij ka 750,000 vizitorë që prej publikimit të fotos.

“Arsyeja që vazhdoj këtë punë është vetëm kurioziteti pambarim, më pëlqen të shikoj dhe të tregoj sesa e mrekullueshme është bota jona. Kjo është punë vetmitare dhe e ngadaltë, por sa herë që shoh rezultatet, jam po aq i emocionuar sa herën e parë”.

Së bashku kolegun e tij astro-fotograf, ish-kitarist i grupit muzikor Queen, Brian May, Metsavainio dha një transmetim direkt virtual në Muzeumin e Shkencave në Londër mbi retë kozmike.

(Kosova Sot Online)


Like it? Share with your friends!

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube and Vimeo Embeds
Audio
Soundcloud or Mixcloud Embeds
Image
Photo or GIF
Gif
GIF format