DASHI
Që kur Saturni hyri te sektori i famës dhe nderon sektorin e shtëpisë së dhjetë që prej dhjetorit 2017, keni qenë të përqendruar veçmas në përparimin e karrierës. Tani, pas gjithë punës së vështirë që keni bërë gjatë tre viteve të fundit, do të filloni të shihni frytet.
Gjatë këtyre viteve, ju është dhënë mundësia t’u tregoni personave të rëndësishëm se çfarë mund të trajtoni dhe keni kuptuar saktë, se keni pasur një mundësi të rrallë. Personi që vëzhgon punën tuaj ka qenë i pamëshirshëm. Tani, seria e testeve tre-vjeçare ka mbaruar. Saturni, burimi i shumë sfidave, nuk do të kthehet në këtë vend në grafik deri në vitin 2047.
Lajmi i mirë është se Saturni lë një dhuratë teksa largohet si një shpërblim. Shpërblimi juaj do të paguhet menjëherë pas Hënës së re të këtij muaji, 12 janar. Shikoni ditët që vijojnë dhe qëndroni vigjilent. Mbani në mend se një Hënë e re është aktive për muaj të tërë, por është më e fortë menjëherë pasi shfaqet.
Tani që keni përvojën, gjykimin dhe aftësitë, me lëvizjen e Jupiterit dhe Saturnit në shtëpinë e njëmbëdhjetë të veprimtarisë shoqërore, shpresave dhe dëshirave, bëni gjithçka që mundeni për të zgjeruar kontaktet dhe njohjet e rastësishme dhe për të zhvilluar miqësi të reja, sepse kjo zonë e grafikut do t’ju ndihmojë më së shumti në vitin 2021. Është zona që do t’ju japë mundësinë të shfaqni rritjen më të madhe personale.
Miqtë – si të vjetër, ashtu edhe të rinj që do të hyjnë në jetën tuaj – do të kenë një rol më të madh se zakonisht. Më 28 janar, do të keni Ditën më të Lumtur të Vitit, kur Dielli dhe Jupiteri bashkohen në Ujori, një shenjë që shkrihet bukur me tuajën. Një mik mund të largohet ose të bëjë diçka të jashtëzakonshme për ty.
Tani le të kthehemi te financat. Bëhuni gati të shpenzoni më shumë para se zakonisht, tani që Marsi po kalon në shtëpinë e dytë të fitimeve nga 6 janari deri më 3 mars. Kjo është hera e parë në dy vjet që keni Marsin në këtë sektor. Për shkak të Hënës së plotë të rëndësishme të muajit të kaluar më 29 dhjetor, mund të jeni duke shpenzuar më shumë. Ju mund të dëshironi të blini ose merrni me qira pronë, të rinovoni, riparoni ose dekoroni, ose anasjelltas, mund të dëshironi të ndihmoni një prind financiarisht.
Kjo Hënë e plotë e fundit, 29 dhjetor, solli në vëmendje shtëpinë dhe familjen – duket se është marrë një vendim dhe jeni gati për të filluar. Kur Marsi takohet me Uranin në 20 janar, mund të keni një shpenzim të madh që nuk e keni parashikuar kurrë, ose mund të merrni një çek dhe do të mrekulloheni. Është natyra e Uranit që të sjellë lajme që janë të papritura dhe është gjithmonë diçka që ju kurrë nuk e konsideroni si mundësi. Nuk ka asgjë të ditur se ç’lloj lajmesh do të merrni. Për të mbrojtur dobësitë tuaja, jini të kujdesshëm.
Një ditë e përsosur për të bërë një prezantim, për të bërë një shitje të madhe ose për t’u miratuar për një ngritje bujare do të jetë më 9 janar kur Marsi në shtëpinë tuaj të dytë të parave do të dërgojë një rreze të artë te Afërdita në shtëpinë e dhjetë të arritjeve profesionale. Prania e Afërditës praktikisht garanton se do të jeni i preferuari i personave të rëndësishëm.
E hëna, 11 janar, do të jetë një ditë e jashtëzakonshme, kur Jupiteri do të bashkojë forcat me Mërkurin. Kjo ditë është e shkëlqyeshme për të pasur një intervistë me Zoom. Saturni po orbiton pranë Mërkurit dhe Jupiterit, kështu që çdo plan ose propozim për të cilin pranoni do të vijë me përgjegjësi dhe fuqi të konsiderueshme. Ju gjithashtu ka të ngjarë që këtë muaj t’i jepni jetës qëndrueshmëri.
Miqtë, të njohurit dhe kontaktet e reja do të hyjnë në jetën tuaj për të zgjeruar perspektivën dhe për t’i dhënë energji bisedave intelektuale. Njerëzit e rinj që hasni madje mund t’ju inkurajojnë të dilni vullnetarë për çështje humanitare, bamirëse ose politike. Puna drejt një qëllimi me njerëz me të njëjtin mendim do të jetë argëtuese.
Fundi i muajit shkëlqen për një romancë të ju lë pa frymë. Hëna e plotë më 28 janar do të ndriçojë shtëpinë e pestë të dashurisë së vërtetë. Nëse jeni duke dalë me dikë, mund të dëgjoni fjalët që keni ëndërruar të dëgjoni – një rrëfim dashurie, një ftesë për të jetuar së bashku, ose, një propozim për martesë.
Nëse nuk keni qenë duke dalë me dikë, një person i prezantuar nga një mik mund të sjellë të gjitha ndryshimet në jetën tuaj romantike në fund të muajit. Kjo Hënë e plotë vjen në të njëjtën ditë me Ditën më të Lumtur të Vitit, kur Jupiteri, planeti i fatit dhe lumturisë, do të takojë Diellin e fuqishëm në shtëpinë e njëmbëdhjetë të shpresave dhe dëshirave. Hëna e plotë do të jetë partnere me Jupiterin për ta bërë këtë moment një pikë referimi. Nëse jeni të lidhur, një foshnjë mund të jetë në rrugë. Nëse dëshironi ta derdhni këtë energji në shprehjen tuaj artistike, bëjeni!
Pavarësisht nga statusi martesor, përdorni këtë Hënë të plotë, 28 janar, plus ose minus katër ditë, për të gjetur gëzim në jetë. Kjo Hënë e plotë bie të enjten dhe energjinë e saj do ta ndjeni gjatë fundjavës, 30-31 janar. Duhet të jetë një kohë e jashtëzakonshme. Të paktën, planifikoni një darkë romantike për të dy në shtëpi dhe gatuani së bashku. Jini të lumtur, i dashur Dash. Më në fund, keni një turmë të tërë planetësh që punojnë shumë për të parë që po e shijoni jetën.
DEMI
Si një Dem, dihet që jeni të durueshëm dhe tani do të shpërbleheni. Marsi, planeti i veprimit, do të fillojë Vitin e Ri si një raketë, sepse Marsi do të hyjë te Demi në 6 janar dhe do të qëndrojë deri më 3 mars. Kjo është hera e parë në dy vjet që keni privilegjin e Marsit për veten, kështu që përdorni këtë muaj para se Mërkuri, planeti i komunikimit, tregtisë dhe marrëveshjeve, të shkojë në prapavijë, nga 30 janari deri më 20 shkurt.
Marsi në Dem do t’ju japë kurajë dhe është një kohë e shkëlqyeshme për të paraqitur ide për njerëzit me ndikim që e dini se mund t’ju ndihmojnë të shkoni përpara. Këtë muaj do të filloni një cikël të ri, energjik dy-vjeçar në 6 janar. Kozmosi do t’ju japë gjithçka që do t’ju duhet për t’u bërë një yll. Iniciativat dhe vendimet që merrni gjatë periudhës tuaj Marsi-në-Dem, nga 6 janar deri më 3 mars, do t’ju çojnë përpara dy vjet dhe ndoshta shumë më gjatë. Njerëzit do të dëshirojnë të të ndjekin dhe të mbështesin. Jo të gjitha veprimet e reja do të kenë sukses, shumica po, prandaj zgjidhni me kujdes, por qëndroni optimist.
Ashtë një Vit i Ri me shkëlqim dhe mezi prisni të filloni të vlerësoni grupin e mundësive.
Në vend që të udhëtoni, zhvilloni kontaktet në distancë dhe punoni së bashku përmes telefonit dhe emailit. Hetoni gjërat e reja — grafiku po ju jep një rrugë të hapur për të parë progres. Ju gjithashtu mund të konsideroni të shkruani një libër ose artikuj në internet, ose mund të filloni një podcast.
Muajin tjetër do të hyni në periudhën më të ndritshme të karrierës që keni parë ndonjëherë. Jupiteri dhe Saturnin në shtëpinë e dhjetë të nderimeve, çmimeve dhe arritjeve, do të bashkohen me planetin tuaj udhëheqës, Afërdita, Mërkurin, Diellin dhe Hënën e re të gjithë të mbledhur së bashku për një vizitë të rrallë dhe të fuqishme në shtëpinë e karrierës më 11 shkurt. Një hënë e re nuk është e fuqishme vetëm për një ditë – mund të ndikojë për gjashtë muaj në vijim. Ditët në vijim duhet të sjellin një përparim të madh në karrierë.
Do të merrni një sugjerim për çfarë pritet nga Dita më të Lumtur të Vitit – një ditë kur Jupiteri takohet me Diellin – 28 janar në shtëpinë e dhjetë të nderimeve, çmimeve dhe arritjeve. Ju do të jeni të vetëdijshëm për përgjegjësinë që qëndron mbi shpatullat tuaja kur intervistoni. Kurrë më parë nuk keni pasur mbështetje si kjo.
Në Hënën e plotë më 28 janar, mund të lëvizni ose të bëni ndryshime thelbësore në situatën e jetesës. Tashmë mund ta dini që po lëvizni lart në karrierë dhe do të zhvendoseni për të jetuar më pranë kompanisë së re, ose mund të ndiheni se mund të përmirësoni standardin e jetesës. Pavarësisht se çfarë bëni, keni kaq shumë për t’u entuziazmuar.
Me Uranin e Marsit në gjysmën e dytë të janarit, mund të jeni duke bërë ndryshime thelbësore në jetë, duke prishur rutinën e vjetër dhe duke nisur një rrugë krejtësisht të re. E gjitha është kaq emocionuese! Vë bast që mezi pret të fillosh!
UJORI
Muaji i kaluar ishte një muaj i madh. Dy planetë të mëdhenj – Jupiteri dhe Saturni – u zhvendosën te Ujori për një qëndrim të gjatë. Jupiteri nuk ka qenë në shenjën tuaj që nga viti 2009 dhe ky është një lajm shumë i mirë, sepse Jupiteri do të punojë për t’ju mbrojtur gjatë pjesës më të madhe të vitit 2021. Saturni do t’ju përgatisë për një rol më të madh në jetë, për të trajtuar qëllime përtej aftësive tuja, Saturni do të jetë me ju deri në mars 2023.
Marsi ka qenë në një shenjë që shkrihet mirë me tuajin, Dashin, sektorin e komunikimit, kështu që mund të keni qenë duke shkruar, folur ose u marrë me emaile dhe ju duket se keni qenë të kënaqur të punoni në projekte të ndryshme të orientuara drejt komunikimit. Tani, më 6 janar, Marsi do të lëvizë nga Dashi.
Fokusi juaj i ri me Marsin te Demi nga 6 janari deri më 3 mars do të jetë në shtëpinë dhe nevojat e familjes. Ka ndonjë numër mënyrash që kjo mund të funksionojë. Mund të transferoheni në një vendbanim të ri. Nëse vendosni të merrni me qira një vilë për pushime, filloni të kërkoni tani. Nëse shtëpia është mirë ashtu siç është, mund ndihmoni një prind ose një familjar të dashur dhe të moshuar.
Pjesën më të madhe të muajit do të punoni prapa skenave, duke mbajtur një profil të ulët. Duket se ju keni qenë duke punuar në një projekt që kërkonte përqendrim. Së shpejti do të jeni në qendër të vëmendjes – në momentin kur Dielli del nga shtëpia e dymbëdhjetë, një zonë e privatësisë dhe punës pas dyerve të mbyllura.
Mbani mend se Mërkuri është gati të shkojë në prapavijë në Ujor nga 30 janari deri më 20 shkurt. Nuk duhet të nënshkruani letra gjatë kësaj kohe. Ujori rregullon epokën dixhitale, kështu që prapavija e ardhshme mund të jetë veçanërisht e vështirë për elektronikën, softuerin dhe makineritë.
Financiarisht po ia dilni mirë, veçanërisht në mes të muajit me projekte dhe oferta që vijnë pas Hënës së re, 12 janar.
Dita juaj më e veçantë do të jetë 28 janari kur Dielli dhe Jupiteri, planeti i fatit të mirë, do të takohen së bashku në Ujor. Kjo duhet të jetë një ditë e lavdishme, sepse ky aspekt është ai që unë e quaj Dita më e Lumtur e Vitit. Do të jeni në qendër të vëmendjes dhe nëse ditëlindja bie në këtë ditë (ose brenda pesë ditëve nga kjo datë), do ta përjetoni dyfish.
Sapo të mbarojë pandemia, do të jeni në gjendje të udhëtoni shumë larg, por tani për tani, jini të durueshëm – pjesa më e mirë është rrugës.
Ju po hyni në vitin tuaj të shkëlqyeshëm. Do t’ja dilni për mrekulli!
Peshqit
Për muaj me radhë, keni pasur një theks të fortë në menaxhimin e parave. Marsi është një planet shumë energjik dhe zakonisht detyron shpenzimet. Mund të jetë dashur të blini shumë gjëra që ju duheshin, por i keni shtyrë, ose ndoshta ju është dashur të blini një send të madh, si makinë për shembull. Mund të jeni i vetëpunësuar dhe të investoni në biznes, ose ndoshta të keni investuar te vetja, për shembull, duke u kthyer në universitet për një diplomë.
Tani, theksi i fortë financiar merr fund. Marsi do të lëvizë nga Dashi, sektori i të ardhurave, në 6 janar dhe nuk do të kthehet për dy vjet. Uff, më në fund!
Keni përparuar në karrierë, një fakt që ka të ngjarë të jetë bërë i dukshëm në eklipsin diellor muajin e kaluar më 14 dhjetor. Ky eklips i Hënës së re do të jetë i fortë për shumë muaj, por është gjithmonë më i fortë afër ditëve që pasojnë drejtpërdrejtë eklipsin . Kjo do të kishte qenë koha e pushimeve, kështu që tani që të gjithë janë kthyer në punë, mund të bëni kërkime delikate, nëse dëshironi, për të ndryshuar punë ose për të zgjedhur një punë dytësore për të shtuar të ardhurat.
Koha do të ishte perfekte në pjesën e parë të janarit, por teksa i afroheni fundit të muajit, Mërkuri do të shkojë në prapavijë nga 30 janari deri në 20 shkurt.
Hëna e plotë e 28 janarit mund të sjellë lajme për një punë të paguar mirë, ose nëse jeni i vetëpunësuar, mund të merrni një biznes të ri fitimprurës. Duket se është një detyrë që do ta shijoni shumë. Nëse projekti që vjen përfshin modën, veprat e bukura të artit, muzikën ose industrin ë e argëtimit, do të ndiheni të dashuruar. Ajo Hënë e plotë do të jetë në Luan dhe lidhet me artin dhe sendet e luksit.
Kjo Hënë e plotë do të përkojë me Ditën më të Lumtur të Vitit, 28 janar, kur Jupiteri me fat do t’i bashkohet Diellit. Mund të ndjeni mjaft presion kur përgjegjësia ju vihet mbi supe. Duket se detyra me të cilën do të merreni do t’ju ndihmojë të shfaqni gamën e talenteve tuaja.
Ndërsa Mërkuri do të shkojë në prapavijë nga 30 janari deri më 20 shkurt, duket e sigurt që dikush nga e kaluara do t’ju telefonojë dhe do t’ju kërkojë të shoqëroheni sërish.
Kur bëhet fjalë për dashurinë, mendoni ditët e fundit të vitit 2020 kur një Hënë e plotë më 29 dhjetor ju nxori në dritë dhe jetën e dashurisë dhe solli një episod romantik që mund ta mbani mend gjatë. Ajo Hënë e plotë ishte e fortë gjatë natës dhe ditës së Vitit të Ri. Nëse po dilni seriozisht, mund të keni marrë (ose dhënë) një propozim për martesë. Edhe nëse nuk e keni bërë (ose nëse jeni tashmë i martuar), ishte prapë një kohë e lumtur. Shpresoj të ndjeni nevojën për privatësi dhe pushim.
Planetet do të vezullojnë me shkëlqim për shoqërinë dhe grupet e tjera. Pjesëmarrja në internet do të jetë më me fat sesa parashikoni.