Jep dorëheqjen kryetari i Akademisë së Shkencave


Dy muaj pasi është zgjedhur kryetar i Akademisë së Shkencave, akademiku Gudar Beqiraj ka paraqitur dorëheqjen nga detyra.

Tërheqja nga detyra i është paraqitur presidentit Ilir Meta mbrëmjen e kësaj të mërkure,

vendim ky që vjen në kohën kur as Kreu i Shtetit nuk e ka firmosur dekretin për emërimin në detyrën për të cilin u votua Beqiraj.

Në deklaratën e dhënë për mediat, Presidenca shprehet se në takimin e zhvilluar u diskutua mbi situatën aktuale të Akademisë së Shkencave, procesin e reformimit të saj dhe sfidat dhe perspektivën e përballjes së tyre me sukses.

Teksa theksohet se gjatë bisedës u nënvizua nevoja dhe rëndësia e një reformimi tërësor të kërkimit shkencor dhe Akademisë së Shkencave në drejtim të rritjes së produktivitetit shkencor në harmoni me zhvillimet e sotme të shkencës, teknologjisë dhe inovacionit, për përballimin e sfidave të rëndësishme të vendit tonë.

Zyra për mediat e Presidentit bën të ditur se ishte Akademiku Beqiraj i cili shprehu vullnetin e tij për t’u dorëhequr duke theksuar se ai do të mbetet përkrah kolegëve të tij akademikë, mbështetës dhe kontribuues i procesit të reformimit të nisur tashmë të këtij institucioni të rëndësishëm.

Vendimi është pranuar prej Metës i cili ka vlerësuar figurën dhe kontributin e Akademikut Beqiraj.

Ndër të tjera Meta theksoi rëndësinë e vendosjes sa më shpejt të dialogut mes Asamblesë së Akademisë së Shkencave dhe Qeverisë me qëllim rritjen e rolit të pazëvendësueshëm të saj për zhvillimin e vendit.

Vendimi vjen në kohën kur Akademia e Shkencave ka ngritur dhe grupin e punës për të diskutuar mbi procesin e reformimit, teksa nga ky institucion i është dërguar dhe një ftesë qeverisë për të bashkëpunuar në këtë proces.

Nga ana tjetër dhe Ministria e Arsimit ka nisur hartimin e një projekti reformues, duke krijuar një institut të kërkimit shkencor.

Në datën 4 shtator, Beqiraj u zgjodh kryetar i Akademisë së Shkencave me 27 vota pro dhe tre kundër.

Ndërsa procesi u kontestua prej akademikut Artan Fuga.


Like it? Share with your friends!

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube and Vimeo Embeds
Audio
Soundcloud or Mixcloud Embeds
Image
Photo or GIF
Gif
GIF format