Bregu i rezervuarit të Xibrakës në Cërrik shndrin i gjithi nga luspat e peshqve të ngordhur. Nuk dihen shkaqet, por sasia e gjallesave të asfiksuara në këtë basen është jashtëzakonisht e madhe.
Denoncimin e bën aktivisti Besmir Agalliu. Në facebook ai ka botuar foton me këtë informacion:
Në rezervuarin e Xibrakës i njohur si “Gjoli i Mukjes” në Cërrik ka ndodhur një katastrofë mjedisore. Qindra kuintal peshq dhe gjallesa të tjera janë gjendur të ngordhur në breg të këtij liqeni. Ende mbeten mister shkaqet e kësaj masakre të vërtetë sipas infoelbasani.al, por sipas specialistëve, nuk bëhet fjalë për vrasje me dinamit, apo lëndë kimike, por për një lloj asfiksie me natyrë të panjohur. Dyshohet se peshqit kanë pasur mungesë oksigjeni, për shkak të një lënde të panjohur të çliruar në ujë në formë gazi apo shëndërrimi kimik.